عمرکوٹ کے اینٹوں کے بھٹے کے مزدور مختلف انواع بیماریوں اور بے بسی کا شکار۔ گورنمنٹ ، مخیر حضرات اور سول سوسائٹی کی مالی مدد کے منتظر ۔ BBC PK News

تفصیلات: عمرکوٹ : عمرکوٹ میں اینٹوں کے بھٹوں پر کام کرنے والے مزدور، خاص طور پر خانہ بدوش قبیلوں سے تعلق رکھنے والے افراد، شدید مسائل سے دوچار ہیں۔ دن بھر کی مشقت، راکھ اور دھوئیں بھرے ماحول میں کام کرتے ہوئے یہ مزدور سانس کی بیماریوں، جلدی امراض، آنکھوں کی تکالیف اور غذائی قلت کا شکار ہو رہے ہیں۔ان میں سے بیشتر کا نہ شناختی کارڈ ہے، نہ طبی سہولت، نہ تعلیم، اور نہ کوئی قانونی تحفظ۔ عورتیں اور بچے بھی بھٹوں پر مزدوری کرتے ہیں، جس سے ان کی صحت اور مستقبل دونوں خطرے میں ہیں۔ماہرین صحت اور سماجی کارکنوں کا کہنا ہے کہ ان مزدوروں کے لیے موبائل ہیلتھ یونٹس، فری کیمپس، تعلیم اور شناختی رجسٹریشن ضروری ہے تاکہ وہ انسانی زندگی کے بنیادی حقوق حاصل کر سکیں۔