*💥پاکستان کا اقوام متحدہ میں بھارت کو بھرپور جواب، بھارتی مندوب بوکھلاہٹ میں ہال چھوڑ کر چلاگیا*BBC PK NEWS

اقوام متحدہ کی جنرل اسمبلی میں پاکستان کے مدلل بیان پر بھارت بوکھلا گیا اور بھارتی مندوب کو پریشانی کی حالت میں فون سنتے دیکھا گیا اور پھر بوکھلاہٹ کے عالم میں وہ ہال چھوڑنے پر مجبور ہوگئے۔اقوام متحدہ کی جنرل اسمبلی کے اجلاس میں بھارت کے وزیر خارجہ کے الزامات کے جواب میں سیکنڈ سیکرٹری محمد راشد نے منہ توڑ جواب دیا۔سیکنڈ سیکرٹری محمد راشد نے کہا کہ بھارت خطے کا غاصب اور غنڈہ ہے، پورے خطے کو اپنی بالادستی کے عزائم اور انتہا پسندانہ نظریات کی بنیاد پر یرغمال بنائے ہوئے ہے، جو بدقسمتی سے نفرت، تقسیم اور تعصب کو ہوا دیتے ہیں۔سیکنڈ سیکرٹری محمد راشد نے کہا کہ آج ہم نے ایک رکن ملک کی طرف سے وہی پرانی تقاریر سنیں جو قابلِ اندازہ تھیں، پاکستان کو بدنام کرنے کی ایک اور کوشش، جھوٹے بیانیے اور گمراہ کن دعوؤں پر مبنی مگر ہمیشہ کی طرح حقائق سے بالکل خالی تھی۔محمد راشد نے کہا کہ دہشتگردی کیخلاف جنگ میں پاکستان کی 90 ہزار قربانیاں دنیا تسلیم کرتی ہے، ہمارا پڑوسی ملک خود دہشتگردی کا سب سے بڑا مرتکب ہے، یہی ملک ایک خفیہ اور سرحد پار دہشتگردانہ نیٹ ورک چلاتا ہے اور اپنے پراکسی عناصر کے ذریعے پاکستان کے اندر اور باہر کارروائیاں کرتا ہے۔سیکنڈ سیکرٹری نےکہا کہ اس کا ایک زندہ ثبوت بھارت کے حاضر سروس بحریہ کے افسر اور خفیہ ایجنسی کے ایجنٹ کمانڈر کلبھوشن یادیو کی گرفتاری ہے۔محمد راشد نے کہا کہ پاکستان نے پہلگام واقعے کی ایک آزاد اور شفاف تحقیقات کی پیشکش کی، جسے فوراً رد کر دیا گیا۔ حیرت کی بات نہیں کہ آج تک اس واقعے سے متعلق کوئی ثبوت پیش نہیں کیا گیا۔محمد راشد نے کہا کہ پاکستان امن کا خواہاں ہے، حقیقی ترقی کے لیے خلوص، باہمی احترام، مکالمہ اور سفارت کاری ضروری ہیں۔ وہ اصول جنہیں پاکستان ہمیشہ مقدم رکھتا آیا ہے اور بھارت کو بھی بالآخر یہی راستہ اختیار کرنا ہوگا، اگر وہ واقعی امن کا خواہاں ہے۔اس سے پہلے پاکستانی مندوب کے بیان پر بھارت نےجواب دیا تھا جس پر جواب الجواب میں سیکنڈ سیکرٹری محمد راشد نے کہا کہ ہم نے دوبارہ اس فورم پر بات کرنے کا ارادہ نہیں کیا تھا۔انہوں نے کہا کہ یہ انتہائی شرمناک ہے کہ بھارت اتنا پست ہو جائے کہ اقوام متحدہ کے ایک رکن ملک کے نام کو بگاڑنے کی کوشش کرے۔اس برجستہ جواب پر بھارتی مندوب کو پریشانی کی حالت میں فون سنتے دیکھا گیا اور پھر بوکھلاہٹ کے عالم میں وہ اچانک ہال چھوڑنے پرمجبور ہوگئے۔تاہم اپنا جواب جاری رکھتے ہوئے محمد راشد نے کہا کہ ایک خودمختار ریاست کے نام کا مذاق اڑانا صرف غیر شائستگی ہی نہیں بلکہ ایک پورے عوام کو بدنام اور ان کی توہین کرنے کی دانستہ کوشش ہے۔اس قسم کی بیان بازی میں ملوث ہو کر بھارت اپنی ساکھ کو خود نقصان پہنچاتا ہے اور دنیا کو دکھا دیتا ہے کہ اس کے پاس کوئی ٹھوس دلیل نہیں ہے۔ انہوں نے کہا کہ بھارت خود سرحدوں سے باہر دہشت گردی کی سرپرستی اور حمایت میں ملوث پایا گیا ہے، معتبر رپورٹس ہیں کہ بھارتی خفیہ ایجنسیاں اپنے ہمسایہ ممالک کو غیر مستحکم کرنے کے لیے نیٹ ورک چلاتی ہیں۔محمد راشد نے کہا کہ یہ نہایت افسوسناک ہے کہ بھارتی خفیہ اہلکاروں پر الزام ہے کہ وہ ایسی گروہوں کو مالی معاونت اور رہنمائی فراہم کرتے ہیں جو تخریب کاری اور دنیا بھر میں ٹارگٹ کلنگ میں ملوث ہیں۔محمد راشد نے کہا کہ علاقائی استحکام کو نقصان پہنچانا اور بین الاقوامی قوانین کی خلاف ورزی بھارت کی عادت بن چکی ہے، لہٰذا ایسے اقدامات دراصل بھارت کے انسدادِ دہشتگردی کے دعوؤں کی دو رُخی کو بے نقاب کرتے ہیں اور یہ سنگین خدشات کو جنم دیتے ہیں کہ بھارت دہشتگردی کے خلاف جنگ کرنے کے بجائے خود اسے ہوا دے رہا ہے۔

*⭐News Details⭐**Sunday 4th Rabi'ul-Thani 1447 AH**September 28, 2025*BBC PK NEWS

*⭐خبروں کی تفصیل⭐*

*اتوار 4؍ربیع الثانی 1447ھ*

*28؍ ستمبر 2025ء*

لکی مروت، 17 بھارتی خوارج ہلاک، سیکورٹی فورسز اور پولیس کا مشترکہ آپریشن، دہشت گردی کے مکمل خاتمے کیلئے پرعزم، وزیراعظم

ایشیا کپ کا تاج، فیصلہ آج، پاکستان انتقام کیلئے بے تاب، بھارت ہیٹ ٹرک کیلئے تیار

یمن، بحری جہاز پر اسرائیلی حملہ، 24 پاکستانی سوار تھے جنہیں حوثیوں نے روک لیا، سفارتی کوششوں سے رہائی ملی، وزیر داخلہ

سرکاری افسر کی بیٹی کی 24 کروڑ سے زائد کی شاہانہ شادی، ٹیکس دیا نہ ظاہر کیا

کے پی میں کسی آپریشن کی اجازت نہیں دیں گے، گنڈاپور، پشاور میں PTI کا جلسہ

درآمدی آسائشوں پر سیلاب ٹیکس لگانے کی مخالفت کرسکتے ہیں، آئی ایم ایف کا عندیہ

سندھ سولر انرجی پروگرام، اربوں کی بے ضابطگیاں، شفافیت پر سولات اٹھنے لگے

بھارتی ایجنٹوں نے پاکستان اور نیپال میں قتل کی منصوبہ بندی کی، امریکی حکام

آئیے! سب مل کر سندھ کو دنیا کا سیاحتی شاہکار بنائیں، وزیراعلیٰ

گلگت بلتستان نان ٹیرف ایریا قرار، وفاقی حکومت سے معاہدہ طے

وزیراعظم لندن پہنچ گئے، نواز شریف کو دورۂ امریکا اور ٹرمپ ملاقات سے آگاہ کیا

فلم تھری ایڈیٹ کے حقیقی کردار’’فن سوک وانگڑو‘‘پر بھارت کا پاکستان کیلئے پروپیگنڈے کا الزام

صدر مملکت نے سینیٹ اجلاس منگل کو طلب کرلیا، قانون سازی سمیت اہم امور پر بحث ہوگی

پاکستان علاقائی و عالمی امن کیلئے اپنا تعمیری کردار ادا کرتا رہے گا، وزیراعظم

امریکہ بحرانی کیفیت سے گزر رہا ہے، حسین حقانی

خیبرپختونخوا میں دہشتگردوں کو ادائیگی کیلئے کرپٹوکرنسی کے استعمال کا انکشاف

وفاقی بیوروکریسی میں گریڈ 18 سے 19 میں ترقی کا عمل تعطل کا شکار

شراب /اسلحہ برآمدگی کیس؛علی امین گنڈا پور کے وارنٹ گرفتاری برقرار

ایشیا کپ فائنل، پاکستانی الیون میں تبدیلی کے امکانات کم

قومی اسمبلی کا اجلاس پیر کی شام 5 بجے طلب، سعودی معاہدہ پر اعتماد میں لیا جائیگا

۔GHQ حملہ کیس؛ خصوصی عدالت کا ویڈیو لنک ٹرائل روکنے سے انکار، درخواست مسترد

سعودی پاکستان دفاعی معاہدہ، خلیج کی بدلتی حکمتِ عملی کا اشارہ

ٹرمپ اور مودی کی لڑائی کی اصل وجہ روس نہیں پاک بھارت جنگ

بھارت دہشتگردوں کی مالی و عسکری سرپرستی کشمیر میں ظلم چھپا نہیں سکتا، پاکستان

وزیر داخلہ کی امریکی ایف بی آئی ڈائریکٹر سے ملاقات

پرفارمنس انڈیکس، کراچی کی پورٹ قاسم دنیا کی ٹاپ 20 ترقی پذیر بندرگاہوں میں شامل

درشک میں آپریشن بہت ذمہ داری کے ساتھ کیا گیا، تجزیہ کار

وزیراعظم کی سیلاب متاثرین کیلئے ریلیف اور بحالی کارروائیاں تیز کرنے کی ہدایت

لیاقت آباد میں غیرقانونی بس اڈے، کارروائی کیوں نہیں ہورہی، سندھ ہائیکورٹ

غزہ میں صہیونی قتل و غارت جاری، 82 فلسطینی شہید، اسپتالوں کا بحران، فلوٹیلا آخری مرحلے میں داخل

۔FIA، انتہائی مطلوب انسانی اسمگلروں کی ریڈبُک جاری، 6 خواتین سمیت 143 کے نام شامل

وزیراعظم کی پاکستانی بیف کی ملائیشیاء برآمد کیلئے ٹھوس منصوبہ بندی کی ہدایت

انتہاپسندی اور عدم برداشت سیاحت کے فروغ میں بڑی رکاوٹ ہیں، صدر زرداری

جنرل اسمبلی میں پاکستان کی تقریر منفرد قرار دی جارہی ہے، تجزیہ کار

امریکا میں فوجی گاڑیوں اور بکتر بند وہیکلز کا بحران، آدھی تعداد جنگ کیلئے تیار نہیں

شارجہ میں 10 کلو وزنی دنیا کا سب سے بھاری سونے کا لباس نمائش کیلئے پیش

بریج سمٹ، ایلون مسک اور عبداللہ الحمید کی ملاقات، میڈیا اور ٹیکنالوجی پر گفتگو

جن لوگوں نے 26 ویں ترمیم کیلئے کردار ادا کیا وہ قومی مجرم ہیں، حافظ نعیم

پاکستان کی بینائی سے محروم سفارتکار صائمہ سلیم نے بھارتی الزامات کا مدلل اور منہ توڑ جواب دیا

پنجاب دن رات کام میں مصروف، تنقید کرنے والے بھی کچھ کرلیں، مریم

پاکستان اور بھارت میں سے ایشیا کا بادشاہ کون؟ اسپورٹس فلور اسپیشل آج ’’جیونیوز‘‘ پر دیکھیں

سندھ بھر میں سروائیکل کینسر سے بچاؤ کی ویکسی نیشن مہم مکمل

سمندر کے راستے ایران فرار کی کوشش کرنیوالے 5 افغان شہریوں سمیت 11 گرفتار

وفاق کراچی اسٹرٹیجک ڈیولپمنٹ پلان پر عملدرآمد کروائے، ایم کیو ایم

ڈاکٹر شمع جونیجو کو سلامتی کونسل کے اجلاس میں کیوں بٹھایا گیا؟ خواجہ آصف

بلوچستان میں معدنیات راہداری قائم کی جائیگی، احسن اقبال

روس سے خطرے کا مفروضہ یورپ کی بزدلی اور مفاد پرستی کی علامت

کیا لاہور میں پی آئی ڈی سی ایل کام کرتی نظر آتی ہے؟، مرتضیٰ وہاب

حکومت چینی بحران کا حساب لے، پیکا کے ڈر سے نہیں بولتا، ندیم افضل چن

ندیم افضل چن ذہنی تناؤ کا شکار، پروپیگنڈا کر رہے ہیں، عظمیٰ بخاری

ازبکستان اسمبلی کا پہلا پارلیمانی وفد اسلام آباد پہنچ گیا

لبلبے کا مہلک کینسر، پھیلاؤ کا دیرینہ راز تلاش کرلیا گیا

پولینڈ کے مہم جو کا کارنامہ، بغیر آکسیجن ماؤنٹ ایورسٹ سر کرنے اور اسکی سے نیچے اترنے والے پہلے شخص بن گئے

غزہ میں اسرائیل کے انسانیت سوز مظالم، زرعی زمین اور ماحولیات کو نقصان پہنچانا شروع

اربوں ڈالرز کمانے والی خواتین کی تعداد میں 81 فیصد اضافہ

ابوظہبی میں دنیا کی پہلی ماحول دوست نیٹ زیرو انرجی مسجد کی تعمیر، ڈیزائن میں بطور بنیادی تعمیراتی عناصرمٹی اور سولر پینلز کا استعمال

3 پولیس افسران کی تعیناتی کا نوٹیفکیشن جاری

دنیا کا دوسرا امیر ترین شخص اپنی اربوں ڈالر کی دولت کا 95 فیصد حصہ عطیہ کریگا

متنازع ٹویٹ کیس میں اعظم سواتی پر فرد جرم عائد، ملزم کا صحت جرم سے انکار

امریکہ نے فلسطین کیلئے احتجاج، ٹرمپ مخالف بیان پر کولمبیا صدر کا ویزا منسوخ کردیا

*💥ٹریک پر دھماکا، پشاور سے کوئٹہ جانے والی جعفر ایکسپریس حادثے کا شکار*BBC PK NEWS Queta Report

کوئٹہ: ٹریک پر دھماکے کے باعث پشاور سے کوئٹہ جانے والی جعفر ایکسپریس حادثے کا شکار ہو کر پٹڑی سے اتر گئی۔

جعفر ایکسپریس کو حادثہ کوئٹہ سے چند کلو میٹر دور ڈیگاری کراس سپیذنٹ ریلوے اسٹیشن اور سریاب ریلوے اسٹیشن کے درمیان پیش آیا جہاں 30سے 45منٹ پہلے دھماکا ہوا تھا۔

ریلوے ذرائع نے بتایا کہ انجن سمیت 5کوچز ڈی ریل ہوئی ہیں تاہم کسی جانی نقصان کی اب تک کوئی اطلاع نہیں ہے۔

فرنٹیئر کور ( ایف سی ) نے علاقے کو گھیرے میں لے لیا ہے، مسافروں کو ریسکیو کیا جارہا ہے اور امدادی ٹیمیں کوئٹہ سے جائے حادثہ کی جانب روانہ ہو گئی ہیں۔

دوسری جانب وزیر ریلوے حنیف عباسی نے جعفر ایکسپریس حادثے کی تحقیقات کا حکم دے دیا ہے اور حادثے کی رپورٹ 24 گھنٹے میں طلب کرلی ہے۔

ریلوے ذرائع کے مطابق کوئٹہ سے ریلیف ٹرین جائے حادثہ کی جانب روانہ کر دی گئی جو مسافروں کو لے کر کوئٹہ جائے گی۔

*💥حکومت پنجاب کا سیلاب زدگان کو بینظیر انکم سپورٹ کے ذریعے مالی امداد کی فراہمی سے انکار*BBC PK NEWS Lahore M kb abbasi Report

حکومت پنجاب نے پیپلزپارٹی کے رہنماؤں کی تجویز رد کرتے ہوئے بے نظیر انکم سپورٹ پروگرام کے ذریعے سیلاب زدگان کی مدد کرنے سے انکار کردیا۔

لاہور میں پریس کانفرنس سے خطاب کرتے ہوئے وزیر اطلاعات پنجاب عظمیٰ بخاری نے کہا کہ (سیلاب کی صورتحال ) میں وزیراعلیٰ پنجاب اور ان کی ٹیم نے جس طرح کام کیا وہ بے مثال ہے۔

انہوں نے کہا کہ پاکستان کی سیاست میں مجھے 20، 22 سال ہوگئے ہیں، میں نے نہیں دیکھا کہ کوئی وزیراعلیٰ اتنا قابل رسائی ہو، اور اس طرح لوگوں کے غم خوشی میں شریک ہو، ان کے ساتھ کھانا کھائے، ان کے ساتھ ان کی خوشی کے لمحے منائے، ان کے غم زمین پر بیٹھ کر سنے اور ان کے دکھوں میں مرہم رکھنے کی کوشش کرے۔

*میں اقوام متحدہ میں اصلاحات کرنا چاہتا ہوں،امریکی صدر*BBC PK NEWS

*جنگ بندی کے موقع پر اقوام متحدہ کہاں تھا؟ امریکی صدر**سوچتا ہوں اقوام متحدہ کو بنانے کا مقصد کیا ہے،صدر ٹرمپ**ہم نے سعودی عرب اقطر اور دیگر ملکوں کے ساتھ تعلقات مضبوط کئے، ٹرمپ**میں نے دنیا میں سات جنگیں رکوائیں ،جس میں کچھ 31سال طویل تھیں،ٹرمپ**پاکستان اور بھارت ، ایران ،آرمیینا آزربائیجان میں جنگیں رکوائیں، ٹرمپ**دنیا میں جنگیں رکوانے پرمجھے فخر ہے،ٹرمپ**دنیا کے مختلف رہنماؤں فون کرکے ٹریڈ ڈیل کی، ٹرمپ**میں نے جنگیں رکواکر لا کھوں زندگیاں بچائیں، ٹرمپ* *اقوام متحدہ کے پاس زبردست صلاحیت ہے، لیکن وہ اس صلاحیت کو پورا کرنے کےقابل نہیں،ٹرمپ* *جنگیں روکنے کی ہماری کوششوں میں اقوام متحدہ ہمارے ساتھ نہیں کھڑی ہوئی،ٹرمپ*

*💥13 سالہ افغان لڑکا طیارے کے پہیوں میں چھپ کر کابل سے بھارت پہنچ گیا*BBC PK NEWS

13 سالہ افغان لڑکا طیارے کے پہیوں میں چھپ کر بھارت پہنچ گیا۔رپورٹس کے مطابق افغانستان کے شہر قندوز سے تعلق رکھنے والا 13 سالہ لڑکا افغانستان کی نجی ائیر لائن کی پرواز RQ-4401 کے پہیوں میں چھپ کر اتوار کو نئی دہلی کے اندرا گاندھی ائیرپورٹ پر پہنچا۔13 سالہ لڑکا جہاز کے لینڈ ہونے کے بعد نئی دہلی ائیرپورٹ پر رن وے پر اکیلا گھومتا ہوا ملا۔ جس کے بعد بھارتی سکیورٹی اہلکاروں نے اسے حراست میں لیا اور کئی گھنٹوں تک پوچھ گچھ کے بعد اسی پرواز کے ذریعے واپس کابل بھیج دیا۔ابتدائی تفتیش میں لڑکے نے حکام کو بتایا کہ اس نے محض تجسس کے باعث یہ سفر کیا۔بھارتی سکیورٹی فورس کے ترجمان کے مطابق لڑکا بغیر کسی رکاوٹ کے کابل ائیرپورٹ میں داخل ہوا ، مسافروں کے پیچھے پیچھے چھپ کر جہاز تک پہنچا اور طیارے کے پچھلے لینڈنگ گیئر کے کمپارٹمنٹ میں چھپ گیا۔ سکیورٹی معائنے کے دوران عملے کو ایک چھوٹا سرخ رنگ کا آڈیو اسپیکر بھی ملا جو لڑکے کے پاس تھا۔بھارتی اخبار انڈین ایکسپریس کے مطابق13 سالہ لڑکا دراصل ایران جانا چاہتا تھا لیکن اسے معلوم ہی نہیں تھا کہ جہاز نئی دہلی جا رہا ہے۔افغانستان کی سرحدی پولیس کے ترجمان نے بتایا کہ واقعے کی تحقیقات شروع کر دی گئی ہیں۔ماہرین کا کہنا ہے کہ اس طرح پہیوں میں چھپ کر سفر کرنے کے واقعات امریکا اور یورپ جانے والی پروازوں میں بھی پیش آتے ہیں، لیکن زندہ بچ جانا بہت کم لوگوں کے نصیب میں ہوتا ہے۔ اکثر لوگ اترتے وقت بے ہوشی کے دوران پہیے کھلنے پر نیچے گر کر ہلاک ہوجاتے ہیں۔

*💥ایشیا کپ: پاکستان کا سری لنکا کیخلاف ٹاس جیت کر فیلڈنگ کا فیصلہ*BBC PK NEWS sport

ابوظبی: ایشیا کپ ٹی ٹوئنٹی ٹورنامنٹ کے سپر فور مرحلے میں پاکستان نے سری لنکا کے خلاف ٹاس جیت کر فیلڈنگ کا فیصلہ کیا ہے۔ایشیا کپ کے سپر فور مرحلے میں پاکستان اور سری لنکا کی ٹیمیں آج ابوظبی میں مد مقابل ہیں۔جہاں پاکستان کے کپتان سلمان علی آغا نے ٹاس جیت کر سری لنکا کو پہلے بیٹنگ کی دعوت دے دی۔پاکستان نے آج کے میچ کیلئے اپنی ٹیم میں کوئی تبدیلی نہیں کی۔بھارت کے خلاف میچ کھیلنے والے کھلاڑی ہی پلیئنگ الیون کا حصہ ہیں۔