*💥Karachi: Girl allegedly kidnapped through friendship on TikTok rescued after a year and a half*Bureau Chief Sindh Engineer Jaidev Maheshwari

ٹک ٹاک کے ذریعے دوستی کے بعد اورنگی ٹاؤن کراچی سے تعلق رکھنے والی 20 سالہ یسریٰ کو مبینہ اغوا کے ڈیڑھ سال بعد بازیاب کرالیا گیا، مبینہ اغوا کار کو گرفتار کرلیا گیا ہے۔سندھ کی صوبائی وزیر برائے ترقی نسواں شاہینہ شیر علی نے اورنگی ٹاؤن جاکر مغویہ یسریٰ اور اہل خانہ سے ملاقات کی، اس موقع پر متحدہ قومی موومنٹ (ایم کیو ایم) پاکستان کے رکن سندھ اسمبلی (ایم پی اے) اعجاز الحق بھی موجود تھے۔ صوبائی وزیر شاہینہ شیر علی نے بتایا کہ یسریٰ کے مطابق اس کو ڈیڑھ سال قبل ٹک ٹاک پر تعلق قائم ہونے پر مبینہ طور پر اغوا کیا گیا تھا، مبینہ اغوا کار حمزہ اور اس کی ماں کی جانب سے بدترین تشدد کی وجہ سے یسریٰ انتہائی خوفزدہ تھی، لڑکی کے مطابق ملزم حمزہ نے یسریٰ کے ساتھ زبردستی جعلی نکاح نامہ بھی بنوالیا تھا۔صوبائی وزیر نے بتایا کہ ملزم یسریٰ کو مبینہ طور پر جنـسـی زیـادتی کا بھی نشانہ بناتا رہا ہے، لڑکی نے موقع پر پاکر ڈیڑھ سال بعد اپنے رشتہ دار سے رابطہ کرکے اپنے ساتھ ہونے والے ظلم کی اطلاع دی، جس کے فوری بعد مقامی ایم پی اے اعجاز الحق کی فوری کاوش سے لڑکی کو بازیاب کروالیا گیا ہے۔انہوں نے بتایا کہ ملزم حمزہ کو گرفتار کرکے مقدمہ درج کرلیا گیا ہے اور مزید تفتیش جاری ہے، متاثرہ خاندان کو تمام طرح کی قانونی مدد فراہم کی جائے گی۔

*💥Karachi: National cricket team spin bowler Abrar Ahmed gets married*Bureau Chief Sindh Engineer Jaidev Maheshwari

*💥کراچی: قومی کر کٹ ٹیم کے اسپن بولر ابرار احمد رشتہ ازدواج میں منسلک ہوگئے*

قومی کرکٹر ابرار احمد کی شادی کراچی میں آمنہ رحیم سے ہوئی اور دلہنیا لینے کے لیے آمد پر27 سالہ ابرار احمد کی بارات کا ڈھول کی تھاپ پرپرتپاک استقبال کیا گیا۔

اسپنر ابرار احمد کا ولیمہ 6 اکتوبر کو ہوگا جس کے بعد وہ لاہور میں پاکستان ٹیم کے ٹیسٹ اسکواڈ کو جوائن کریں گے۔

*⭐News Details⭐**Sunday 11th Rabi' Al-Thani 1447 AH**October 5, 2025*BBC PK NEWS

*⭐خبروں کی تفصیل⭐*

*اتوار 11؍ربیع الثانی 1447ھ*

*5 اکتوبر 2025*

غزہ، جنگ بندی کے قریب، ٹرمپ، قطر سعودی عرب، امارات، ترکیہ، اردن، مصر اور انڈونیشیا کا شکریہ، شہباز شریف

برطانوی اخبار کا آرٹیکل، پبلک پرائیویٹ پارٹنرشپ کی تجویز، پاکستان کی ساحلی پٹی پر چھوٹی بڑی تجارتی بندرگاہوں کا بہت پوٹینشل، سیکورٹی ذرائع

فوج کا کسی سیاسی جماعت سے تعلق ہے نہ رابطہ، مذاکرات سیاسی جماعتوں کے درمیان ہونے چاہئیں، سیکیورٹی ذرائع

ٹرمپ کے اعلان کے بعد غزہ کے شہریوں میں خوشی کی لہر

بھارت کے ایڈونچر کا ہولناک جواب، جغرافیائی عدم مداخلت کے مفروضے کو توڑ دینگے، آئی ایس پی آر

گورنر وزیراعلیٰ تنازعہ، خیبر پختونخوا حکومت نے ایڈورڈ کالج کا کنٹرول سنبھال لیا

آزاد کشمیر، وفاقی وزراء اور عوامی ایکشن کمیٹی کے درمیان مذاکرات کامیاب، 25 نکاتی معاہدہ

جاتی امرا میں نواز، مریم، شہباز ملاقات، پیپلز پارٹی کیساتھ سیز فائر پر اتفاق

خضدار میں آپریشن، فتنہ الہندوستان کے 14 سے زائد دہشت گرد ہلاک، 20 زخمی

حکومت اپنے کشمیری بھائیوں کے مسائل حل کرنے کیلئے ہر وقت تیار، وزیراعظم

عالمی دن کے موقع پر صدر ،وزیر اعظم کا دنیا بھر کے اساتذہ کو خراج عقیدت

بھارتی حکومت کی جوہری توانائی کلب میں شامل ہونے کی کوششیں

ہر منظور شدہ عہدہ ریاست کی عملی ضرورت پورا کرنے کیلئے ہوتا ہے،سپریم کورٹ

کرک، کالعدم ٹی ٹی پی سے تعلق رکھنے والے اہم رکن نے سرنڈر کردیا

فرحان غنی و دیگر کیخلاف تشدد کا مقدمہ عدالت کو موصول، سماعت کیلئے مقرر

دالبندین کرودک پوسٹ پر مسلح افراد کا حملہ، دو اہلکاروں کا اسلحہ چھین لیا

کشتیوں پر ڈرون حملوں کا حکم کس نے دیا تھا؟ امریکی میڈیا کا انکشاف

شارع فیصل اسٹار گیٹ کے قریب کرنٹ لگنے سے نوجوان جاں بحق

فیڈرل بی ایریا، گھر میں پانی کی بالٹی میں گر کر کمسن بچی جاں بحق

ڈیرہ مراد جمالی، کلرک کالونی میں مکان پر دستی بم سے حملہ

پارٹی میں گروپنگ ہے، سیاسی جماعتوںمیں لابنگ ہوتی ہے، اسد قیصر

خوشی ہے آزاد کشمیر میں تشدد کے خاتمےکیلئے راستہ اپنایا گیا، طارق فضل

وزیرِ اعظم شہباز شریف اور مولانا فضل الرحمٰن میں ٹیلی فونک رابطہ

پاکستان، سعودی عرب دفاعی معاہدہ معرکہ حق کی فتح کا مرہون منت ،خواجہ آصف

نریندر مودی جدید دور کے راون ہیں‘ کانگریس رہنما ادت راج

خیبرپختونخو ا حکومت نے نومئی کے تمام 29واپس لے لئے، اعلامیہ جاری

اسرائیلیوں نے ہمارے ساتھ جانوروں جیسا سلوک کیا، فلوٹیلاکارکن

نچلی سطح پر اختیارات منتقل نہیں کرنے تو پھر صوبے بنائیں، مفتاح اسماعیل

گلگت بلتستان اور مانسہرہ کے سیاحتی علاقوں میں موسم کی پہلی برف باری

امریکی محکمہ خزانہ کا ٹرمپ کی تصویر والا ایک ڈالر کا سکہ جاری کرنے پر غور

جڑواں شہروں میں دہشت گردی وتخریب کاری کے خدشات ، سیکورٹی ہائی الرٹ

شراب برآمدگی کیس ؛ علی امین گنڈا پور کے وارنٹ گرفتاری برقرار

اسرائیلی بمباری کی عارضی بندش قابل تعریف، حماس تیزی دکھائے، ٹرمپ

وزیراعظم شہباز شریف کا عمران خان کیخلاف ہتک عزت کا دعویٰ ، پیر کو سماعت ہوگی

ایمل ولی کی سیکورٹی واپس نہ لی جائے، وزیراعلیٰ گنڈا پور

پاک بھارت کر کٹ کی بڑی جنگ آج کولمبو میں، اس بار خواتین مدمقابل

سیاسی جماعتوں کے انتخابات نگرانی کا نظام الیکشن کمیشن کو دینے کی تجویز

پرائیویٹ حج اسکیم کی بکنگ بدستور سست روی کا شکار؛ حج کوٹہ کے استعمال نہ ہونے کا خدشہ

وزیراعظم شہباز شریف 5 سے 7 اکتوبر تک ملائیشیا کا سر کاری دورہ کریں گے

پاکستان کے پہلے ہندو افسر گیان چند نے روس میں ناظم الامور کا چارج سنبھال لیا

آزادکشمیر، 6 روزہ لاک ڈاؤن کے دوران 30 ارب سے زائد کا کاروباری نقصان ہوا

پارلیمنٹ لاجز نئے بلاک کی تعمیر کا منصوبہ 13 سال بعد فعال، 4 ماہ میں تکمیل کی ہدایت

پاکستان، مسلم ممالک کو حماس کے جواب کا خیرمقدم کرنا چاہئے، حافظ نعیم الرحمٰن

داؤد یونیورسٹی، سیلف فنانس نشستوں میں کمی جدید شعبوں تک رسائی آسان

تحفظات برقرار، پی پی کا اسمبلی میں کورم کی نشاندہی پر نیوٹرل رہنے کا فیصلہ

غزہ کو اسرائیل نے قبرستان بنادیا، کسی حد تک ڈیڈ لاک ختم ہوا، تجزیہ کار

نیشنل پریس کلب پر حملے کیخلاف تمام صحافتی گروپ متحد؛ جوائنٹ ایکشن کمیٹی قائم

اسپیکر سردار ایا ز صادق نے قائم مقام صدر کی ذمے داریاں سنبھال لیں

21ویں صدی کی مقبول ترین بھارتی فلم تھری ایڈیٹس دنیا بھر کے اسکولوں کے نصاب میں شامل ہے

شعیب ملک نے ثناء جاوید سے علیحدگی کی خبروں کو غلط قرار دیدیا

سول سروسز اکیڈمی ، اقلیتی امیدواروں کے دوسرےبیچ کی تربیت مکمل

سمندری طوفان شکتی کراچی سے 360 کلومیٹر دور، بارش کا امکان

امن منصوبہ، عرب دنیا وامریکی دباؤ پرنیتن یاہو لچک دکھانے پر مجبور

ایس آئی یو نے مقابلہ کے بعد مبینہ گینگ وار کے بھتہ خور کو ہلاک کردیا

تھرپارکر، پاکستان دشمنی میں بھارتی فوج نے 8 بکریوں کو ہلاک اور 54 کو زخمی کردیا

امیربالاج ٹیپو قتل کیس میں اہم پیش رفت، مرکزی ملزم طیفی بٹ دبئی سے گرفتار

*آئندہ 12 سے 24 گھنٹوں کے دوران بارشوں کا امکان؛ الرٹ جاری کر دیا*

بھارت کے 5 امیر ترین افراد کی تعلیمی قابلیت، اڈانی میٹرک پاس، دلیپ شنگھوی کامرس گریجویٹ، امبانی کیمیکل انجینئر

”پاکستان آئیڈل“ کا ”جیوٹی وی“ پر دھماکے دار آغاز، پہلی قسط نے دھوم مچادی، گلوکاروں کا کڑا امتحان شروع

بھارت:مرکزی بینک بھارتی روپے کے عالمی کرنسی بنانے کے لیے کوشاں

سندھ حکومت جرمانوں میں کمی کا فوری اعلان کرے، ایم کیو ایم

پی آئی اے کا مانچسٹر کیلئے براہِ راست پروازیں شروع کرنے کا اعلان

پنجاب کے معاملے میں مداخلت، پی پی آئینی اختیارات سے تجاوز کر رہی، عظمیٰ بخاری

دو سرکاری عہدے رکھنے والے چیئرمین میٹرک بورڈ کے کیس میں جواب جمع

Representative Kelash Langhni

Daily Bbc Pakistan News 

*💥سرکاری افسر کی بیٹی کی 24 کروڑ روپے سے زائد کی شاہانہ شادی، صرف سجاوٹ پر 4 کروڑ خرچ کیے گئے*BBC PK NEWS Islamabad MKB ABBASI REPORT

اسلام آباد: اقتصادی بحران کے شکار پاکستان کے ایک سینئر سرکاری افسر کی بیٹی کی پرتعیش شادی پر 24 کروڑ 80 لاکھ روپے خرچ ہوئے۔ 

اس صورتحال نے امیروں کے طرز زندگی اور ملک کے ٹیکس نظام میں ان کے معمولی حصے کے درمیان ہوشربا فرق کو بے نقاب کر دیا ہے۔

سرکاری ذرائع کے مطابق، ایف بی آر (جس نے اب ایسے ’’بلیک ہولز‘‘ کو ہدف بنانا شروع کیا ہے) کو ایک ہائی پروفائل شادی کا کیس ملا ہے جو 6 پرتعیش تقریبات پر مشتمل تھی اور جس پر اندازاً 248 ملین (24 کروڑ 80 لاکھ) روپے خرچ ہوئے۔ 

شاندار مقامات، ڈیزائنر ملبوسات، ہیروں کے زیورات، آتش بازی اور غیر ملکی کنسلٹنٹس پر فضول خرچی کے باوجود متعلقہ سرکاری افسر اور نہ ہی ان کی بیٹی (دلہن) کے ٹیکس ریٹرنز میں اس خرچ کا کوئی جواز سامنے نہیں آیا۔ جہاں ٹیکس لاگو ہوتا تھا وہاں بھی ادائیگی نہیں کی گئی۔ 

شادی کے اخراجات کی تفصیل خاندان کی تقریب سے زیادہ کسی فیچر فلم کے بجٹ جیسی لگتی ہے، صرف سجاوٹ اور مقامات کے انتخاب پر تقریباً 4 کروڑ روپے خرچ کیے گئے، جبکہ 6 تقریبات میں 400 مہمانوں کے کھانے پر 3 کروڑ روپے لگا دیے گئے۔

دلہا دلہن اور قریبی رشتہ داروں کے ملبوسات ساؤتھ ایشین ڈیزائنرز سے تیار کرائے گئے تھے اور ان پر 3 تین کروڑ روپے خرچ کیے گئے۔ 

سب سے حیران کن خرچ زیورات پر کیا گیا تھا۔ ہیروں اور سونے کے سیٹ جن کی مالیت 8 کروڑ روپے تھی۔ میک اپ، اسٹائلنگ، تفریح اور فوٹوگرافی پر 3 کروڑ روپے خرچ ہوئے، جبکہ دعوت نامے، تحائف اور کری ایٹیو (تخلیقی) کنسلٹنسی پر تقریباً 2 کروڑ 80 لاکھ روپے خرچ کیے گئے۔ مجموعی اخراجات 24 کروڑ 80 لاکھ روپے سے تجاوز کر گئے۔

پر تعیش انداز کو مزید نمایاں کرنے کیلئے ڈرون فوٹیج سے سنیما اسٹائل ویڈیو شوٹس کی گئیں، ملٹی کورس گورمے کھانے (مینو)، آتش بازی اور ڈرون لائٹ شوز، ہاتھ سے تیار کردہ دعوت نامے اور ذاتی نوعیت کے تحائف و موم بتیوں کے گلدستے بھی شامل تھے۔ 

اس شادی میں دولت کی کھلے عام نمائش کی گئی لیکن ایف بی آر (ٹیکس حکام) کا کہنا ہے کہ اخراجات کو درست ثابت کرنے کیلئے کوئی ڈیکلیریشن موجود نہیں۔ آمدنی کے ذرائع بھی نامعلوم ہیں۔ 

ذرائع کا کہنا ہے کہ یہ سروسز خفیہ طور پر حاصل کی گئیں، وینڈرز کو نقد ادائیگی کی گئی اور کوئی انوائس موجود نہیں، یہ ٹیکس کی جانچ پڑتال سے بچنے کی عام ترکیب ہے۔ 

دلہن نے کینیڈا، برطانیہ، میکسیکو اور متحدہ عرب امارات کے کئی دورے کر رکھے ہیں، جس سے اندازہ ہوتا ہے کہ ٹیکس گوشواروں میں ظاہر کیے گئے اعداد و شمار کے برعکس ان کا اصل طرز زندگی بہت زیادہ شاندارہے۔ 

ٹیکس حکام کے مطابق، یہ کیس ٹیکس چوری کے انتظامی مسئلے کی بہترین مثال ہے۔ امیر طبقے کی شادیاں، بیرونِ ملک سفر، جائیداد اور زیورات پر ہونے والا پرتعیش خرچ اکثر سامنے نہیں آتا اور ٹیکس کے دائرے سے باہر رہتا ہے۔ 

ایک ذریعے کا کہنا تھا کہ یہ بالکل وہی چھپی ہوئی دولت ہے جس کا ریاست سراغ لگانے میں ناکام رہتی ہے، ایسی تقریبات میں کروڑوں خرچ ہوتے ہیں لیکن ایک روپیہ تک ٹیکس ادا نہیں کیا جاتا۔ یہ ایک متوازی معیشت ہے جو نظام کی نظروں سے اوجھل ہے۔

*’ آج بھارت کا غرور خاک میں ملانے کا دن ہے ’ سیاستدان بھی قومی ٹیم کی جیت کیلئے پُرامید BBC PK NEWS

*نائب وزیراعظم اسحٰق ڈار، وفاقی وزیر اطلاعات عطااللہ تارڑ، وزیراعلیٰ سندھ سید مراد علی شاہ نے ایشیا کپ کے فائنل میں قومی کرکٹ ٹیم کے لیے نیک تمناؤں اور عزم کا اظہار کیا ہے کہ شاہین آج بھارتی ٹیم کو دھول چٹائیں گے۔نائب وزیراعظم و وزیرخارجہ اسحٰق ڈار نے کہا ہے کہ سب کھلاڑی محنتی ہیں اورجیت کے لیے پرعزم ہیں۔انہوں نے کہا کہ کھیل میں ہار جیت ہوتی رہتی ہے، دعاگو ہوں کہ پاکستان کرکٹ ٹیم جیتے۔وفاقی وزیر اطلاعات و نشریات عطاء اللہ تارڑ نے کہا ہے کہ مجھے پوری امید ہے کہ انشاء اللہ آج پاکستان جیتے گا۔انہوں نے کہا کہ پچھلے میچ میں بھارتی ٹیم کا انداز متکبرانہ تھا اور غرور کا سر ہمیشہ نیچا ہوتا ہے۔ وفاقی وزیر نے کہا کہ جب ہمارے کھلاڑیوں کو دبایا جاتا ہے تو ان کا جذبہ حب الوطنی ابھر کر سامنے آتا ہے۔وزیراعلیٰ سندھ سید مراد علی شاہ نے بھی پاک بھارت ایشیاء کپ کے فائنل مقابلے پر شاہینوں کیلئےنیک تمناؤں کا اظہار کرتے ہوئے کہا کہ امید ہے کہ قومی ٹیم آج قوم کی امنگوں پر پورا اترے گی۔انہوں نے کہا کہ شاہین آج بھرپور کھیل کا مظاہرہ کرکے فتحیاب ہوکر لوٹیں گے، شاہین میچ کا پاسا پلٹنے کی بھرپور صلاحیت رکھتے ہیں۔انہوں نے کہا کہ آج بھارت کا غرور خاک میں ملانے کا دن ہے، پوری قوم شاہینوں کی فتح کے لیے دعاگو ہے۔دریں اثنا مشیر اطلاعات خیبر پختونخوا بیرسٹر ڈاکٹر محمد علی نے کہا ہے کہ پاکستانی شاہین آج روایتی حریف بھارت کے خلاف جم کر کھیلیں گے، گزشتہ دو میچوں میں شاہینوں نے شاندار ٹیم ورک اور جذبے کا مظاہرہ کیا ہے۔انہوں نے کہا کہ امید ہے کہ آج بھی اسی جذبے سے میدان میں اتریں گے، شاہین قومی جذبے سے کھیلیں گے تو جیت ہمارا مقدر ہوگی۔

*💥وزیراعظم نے اقوام متحدہ کی تقریر لکھنے کا ٹاسک دیا اور خود وفد کا حصہ بنایا: شمع جونیجو BBC PK NEWS

*اقوام متحدہ میں وزیراعظم شہباز شریف اور ان کی ٹیم کے ساتھ موجود خاتون شمع جونیجو کے حوالے سے سوشل میڈیا پر ہونے والی تنقید کے بعد وزارت خارجہ کو وضاحت دینی پڑی تھی کہ پاکستانی وفد میں متعلقہ خاتون شامل نہیں تھیں تاہم اب متعلقہ خاتون کا تفصیلی بیان سامنے آیا ہے جس میں انہوں نے دعویٰ کیا ہے کہ وہ پاکستانی مشن میں وزیراعظم کے ایڈوائزر کے طور پر شریک تھیں۔شمع جونیجو نے لکھا میں پچھلے کئی مہینوں سے پاکستان اور وزیراعظم شہباز شریف کے لیے کام کر رہی تھی، پاک بھارت جنگ کے دوران میرے پالیسی بریفس، ایڈوائس اور پوائنٹس، سب کچھ ریکارڈ کا حصہ اور محفوظ ہیں۔شمع جونیجو نے اپنے ایکس اکاؤنٹ پر لکھا کہ مجھے وزیراعظم صاحب نے اقوام متحدہ کی تقریر لکھنے کا ٹاسک دیا اور خود وفد کا حصہ بنایا، میرا نام باقاعدہ ایڈوائزر کے طور پر شامل کیا گیا اور میرا سکیورٹی پاس بھی اسی حوالے سے ایشو کیا گیا، میں نے اُن کی ٹیم کے ساتھ مل کے دن رات کام کیا اور میں نے اُن کے ساتھ سفر کیا۔سوشل میڈیا پر انہوں نے لکھا کہ میں نے وزیراعظم اور ان کی ٹیم کے ساتھ ایک ہی ہوٹل میں قیام کیا، اُن کی بِل گیٹس جیسی اہم ترین سائیڈ لائین میٹنگس کا حصہ بنی جس کی فوٹیج ٹی وی پر بھی آئیں، کلائیمیٹ کانفرنس میں وزیراعظم صاحب کے پیچھے میں اور اسحاق ڈار صاحب ساتھ بیٹھے ہوئے تھے جن کی وزارت نے میرے بارے میں ٹوئٹ کیا ہے کہ میں وفد کا حصہ نہیں تھی۔ان کا کہنا تھا اس کانفرنس کے بعد مجھے پروٹوکول ٹیم والے اے آئی کانفرنس میں لے گئے جہاں خواجہ آصف کے پیچھے بلال اور میں سارا وقت ناصرف ساتھ بیٹھے رہے بلکہ بلال نئی تقریر بھی لکھتے رہے، اس تقریر کے بعد ہم نے مل کے چائے پی، گاڑی کے انتظار میں 40 منٹ ساتھ بیٹھے، دوبارہ تصویریں لیں، اور ایک ہی کار میں تینوں ساتھ واپس ہوٹل بھی آئے، خواجہ صاحب کار میں پیچھے میرے ساتھ ہی بیٹھے تھے۔شمع جونیجو نے یہ بھی لکھا کہ آخری دن وزیراعظم کی تقریر کے وقت بھی میں سب کے ساتھ اقوام متحدہ میں تھی جہاں خواجہ آصف میرے سامنے بیٹھے ہوئے تھے اور ہم سب نے مل کے وزیراعظم کے لئے تالیاں بجائیں۔انہوں نے ایکس پر کہا وزیراعظم کی تاریخی تقریر صرف میری لکھی ہوئی نہیں تھی، ہم سب کے ٹیم ورک کا حصہ تھی، اور ہم سب کی محنت شامل تھی، میری واپسی کی فلائٹ بھی پہلے ہی طے تھی اور مجھے مشن پروٹوکول والے خود ائیرپورٹ تک ڈراپ کرنے آئے۔ان کا کہنا ہے اب خواجہ صاحب ایسے بیان کیوں دے رہے ہیں اور کس ایجنڈے کے تحت اپنی حکومت کے ایک تاریخی دورے کو بدنام کر رہے ہیں، وہ وزیراعظم صاحب کو اُن سے پوچھنا چاہیے، کیونکہ اُن کی اتھارٹی چیلنج ہوئی ہے، میری نہیں!