Syed Altaf Hussain Shah joined BBC Pakistan News Digital Tehsil Reporter Sadiqabad

Syed Altaf Hussain Shah joined BBC Pakistan News Digital Tehsil Reporter Sadiqabad 

Karachi: Fire in private superstore brought under control, suspect in custody

*کراچی؛ نجی سپراسٹور میں لگی آگ پر قابو پالیا گیا، مشتبہ شخص زیرِ حراست*

کراچی: شہر قائد میں کلفٹن کے علاقے زم زمہ اسٹریٹ پر واقع نجی سپر اسٹور میں اچانک خوفناک آگ بھڑک اٹھی جس کے بعد علاقے میں بھگدڑ مچ گئی اور فائر بریگیڈ کی ٹیمیں فوری طور پر موقع پر پہنچ گئیں۔

فائر بریگیڈ حکام کے مطابق آگ بجھانے کے لیے 6 گاڑیاں مصروف عمل رہیں تاہم بیسمنٹ میں شدید دھویں اور اندھیرے کے باعث امدادی کارروائیوں میں مشکلات کا سامنا کرنا پڑا۔

ابتدائی اطلاعات کے مطابق بیسمنٹ لگی آگ گراؤنڈ فلور تک پھیل گئی، جس پر قابو پانے کی کوششیں کی گئیں۔ ریسکیو ذرائع کا کہنا ہے کہ بیسمنٹ تک رسائی کے لیے دروازوں کو کٹر کے ذریعے کاٹا گیا۔

حکام کے مطابق آگ لگنے کی وجوہات فوری طور پر معلوم نہیں ہو سکیں، تحقیقات کے بعد حتمی طور پر اعلان کیا جائے گا۔

*Global oil market shakes up, prices fear reaching $200 per barrel*

*عالمی تیل مارکیٹ میں بھونچال، قیمتیں 200 ڈالر فی بیرل پہنچنے کا خدشہ*

آبنائے ہرمز نے عالمی تیل مارکیٹ میں بھونچال پیدا کر دیا، قیمتیں 200 ڈالر فی بیرل تک پہنچنے کا خدشہ پیدا ہو گیا۔

تاریخ کے سب سے بڑے تیل سپلائی بحران نے ایک ماہ کا سنگ میل عبور کر لیا ہے، جس سے عالمی سطح پر قیمتوں میں اضافہ، ترقی کی پیش گوئیاں کم ہونا، اور ایشیا کے ممالک جیسے تھائی لینڈ سے پاکستان میں فیول کی قلت کے آثار سامنے آئے ہیں۔

بلوم برگ کے مطابق دنیا نے صورتحال کی سنگینی ابھی تک نہیں سمجھی۔ امریکی حکومتی عہدیداران اور وال اسٹریٹ کے تجزیہ کار اب اس امکان پر غور کر رہے ہیں کہ تیل کی قیمتیں غیر معمولی طور پر 200 ڈالر فی بیرل تک پہنچ سکتی ہیں، جو عالمی معیشت کے لیے سنگین خطرہ ہے۔

Government established in UC Gapna, a backward area of Umarkot

عمرکوٹ ( ھیرالال مالہی تحصیل رپورٹر) : عمرکوٹ کے پسماندہ علاقے یوسی گپنا میں میں قائم گورنمنٹ ڈسپنسری کی خستہ حال عمارت کو سماجی تنظیم پی پی اے ایف اور ریپیڈ سماجی تنظیم کے تعاون سے رینویشن کیا گیا۔

ڈسپنسری کی تزئین و آرائش مکمل ہونے پر ایک افتتاحی تقریب منعقد ہوئی جس میں یوسی گپنا چیئرمین رضا ہمید آرائیں اور ریپیڈ سماجی تنظیم کے فوکل پرسن قیصر احمد خان، منظر گِل نے مشترکہ طور پر رینویشن شدہ ڈسپنسری کا افتتاح کیا۔اس موقع پر ریپیڈ سماجی تنظیم کے فوکل پرسن قیصر احمد خان نے میڈیا سے گفتگو کرتے ہوئے کہا کہ پی پی اے ایف کے تعاون سے پہلے سے فعال مگر خستہ حال ڈسپنسری کی مکمل رینویشن کی گئی ہے، جس کے تحت صحت کی بنیادی سہولیات کو بہتر بنایا گیا ہے۔

انہوں نے بتایا کہ ڈسپنسری میں پانی کی فراہمی کے لیے واٹر ٹینک، سولر ثمر پمپ، سولر سسٹم، واش رومز سمیت دیگر ضروری سہولیات فراہم کی گئی ہیں، جس سے مقامی آبادی کو بہتر طبی خدمات میسر آئیں گی۔یوسی گپنا چیئرمین رضا ہمید آرائیں نے اس موقع پر کہا کہ دیہی اور پسماندہ علاقوں میں صحت کی سہولیات کی بہتری حکومت کی اولین ترجیح ہے، اور سماجی تنظیموں کے تعاون سے پہلے سے موجود طبی مراکز کو فعال اور بہتر بنانا عوام کے لیے انتہائی فائدہ مند ثابت ہو رہا ہے۔ انہوں نے کہا کہ یوسی گپنا جیسے علاقوں میں ڈسپنسریوں کی بحالی سے نہ صرف مریضوں کو سہولت ملے گی بلکہ بڑے اسپتالوں پر دباؤ بھی کم ہوگا۔انہوں نے پی پی اے ایف اور ریپیڈ سماجی تنظیم کی کوششوں کو سراہتے ہوئے کہا کہ اس نوعیت کے منصوبے دیگر پسماندہ علاقوں کے لیے بھی ایک مثال بن سکتے ہیں۔یوسی گپنا کے رہائشیوں نے ڈسپنسری کی رینویشن پر خوشی کا اظہار کرتے ہوئے متعلقہ اداروں کا شکریہ ادا کیا اور امید ظاہر کی کہ مستقبل میں بھی صحت سمیت دیگر بنیادی سہولیات کی بہتری کا عمل جاری رہے گا۔

*Karachi: Fire breaks out in Clifton superstore, Mayor Karachi reaches the spot, rescue operation underway*

کراچی کے علاقے کلفٹن میں زمزمہ پارک سے متصل سپر اسٹور میں لگنے والی آگ پر قابو پانے کے لیے فائر بریگیڈ کی کارروائیاں جاری ہیں جبکہ میئر کراچی مرتضیٰ وہاب نے جائے وقوع پر پہنچ کر ریسکیو سرگرمیوں کا جائزہ لیا ہے۔

چیف فائر آفیسر ہمایوں خان کے مطابق فائر بریگیڈ کو صبح 6 بجے آگ لگنے کی اطلاع موصول ہوئی جس کے فوراً بعد صدر فائر اسٹیشن سے فائر ٹینڈرز روانہ کیے گئے۔

ابتدائی اطلاعات کے مطابق آگ اسٹور کے بیسمنٹ میں موجود اے ٹی ایم سے لگی جسے بجھانے کی کوشش اسٹور کے عملے نے پہلے خود کی تاہم آگ فالس سیلنگ کے باعث تیزی سے پھیل گئی۔

حکام کے مطابق آگ بیسمنٹ سے شروع ہوئی جبکہ گراؤنڈ فلور کے بعض حصوں میں بھی شعلے موجود ہیں جنہیں بجھانے کا عمل جاری ہے، واقعے کے وقت اسٹور کے اندر کوئی اسٹاف موجود نہیں تھا جس کے باعث کسی قسم کا جانی نقصان نہیں ہوا۔

چیف فائر آفیسر کا کہنا ہے کہ عمارت میں دھواں خارج ہونے کی مناسب جگہ نہ ہونے کے باعث اندر شدید دھواں جمع ہو گیا ہے جس سے ریسکیو آپریشن میں مشکلات پیش آ رہی ہیں تاہم فائر فائٹرز آگ پر مکمل قابو پانے کے لیے مصروف عمل ہیں۔

اسٹور میں موجود تمام افراد کو بروقت ریسکیو کیا گیا: میئر کراچی

میئر کراچی مرتضیٰ وہاب نے جائے حادثہ کے دورے کے موقع پر کہا کہ چیف فائر آفیسر، ڈی سی اور ایس ایس پی تمام یہاں موجود ہیں، بروقت کارروائی کرتے ہوئے عملہ پہنچا۔

انہوں نے کہا کہ آگ لگنے کے واقعے میں کسی جانی نقصان کی اطلاع نہیں، اسٹور کے اندر موجود تمام افراد کو بروقت ریسکیو کیا گیا، واٹر کارپوریشن کی جانب سے بھی واٹر ٹینکرز پہنچ رہے ہیں، بالائی منزل کے بعض مقام پر معمولی آگ یا دھواں ہے۔

فائر بریگیڈ کی 10 گاڑیاں و اسنارکل موقع پر موجود

فائر بریگیڈ حکام کے مطابق آگ اسٹور کے بیسمنٹ سے شروع ہو کر گراؤنڈ فلور تک پھیل گئی ہے، جسے بجھانے کے لیے ابتداء میں 8 فائر ٹینڈرز کو طلب کیا گیا جبکہ اس وقت فائر بریگیڈ کی 10 گاڑیاں اور اسنارکل موقع پر موجود ہیں اور مسلسل کارروائی جاری ہے، ریسکیو اہلکاروں کو عمارت کے اندر رسائی حاصل کرنے کے لیے دیواریں بھی توڑنا پڑ رہی ہیں۔

*Karachi: A water line has burst near the Northern Bypass.

کراچی واٹر اینڈ سیوریج کارپوریشن کے مطابق نادرن بائی پاس کے قریب پانی کی 48 انچ قطر کی لائن پھٹ گئی ہے جس کے باعث بلدیہ ٹاؤن کو سپلائی معطل ہوگئی،

بلدیہ ٹاؤن کو پانی کی فراہمی کے دوران اچانک پانی کی لائن متاثر ہوئی، متاثرہ لائن سے پانی نکالنے کا عمل شروع ہو چکا ہے، کارپوریشن کی تکنیکی ٹیمیں جائے وقوعہ پر موجود ہیں اور صورتحال کی نگرانی کر رہی ہیں، ڈی واٹرنگ مکمل ہوتے ہی مرمتی کام کا باقاعدہ آغاز کر دیا جائے گا، کارپوریشن کی جانب سے مرمتی کام ہنگامی بنیادوں پر جلد مکمل کرنے کے اقدامات کیے جا رہے ہیں۔*

*All accused acquitted in the murder case of Umm Rabab's father, grandfather and uncle*

دادو: ماڈل کرمنل کورٹ نے ام رباب چانڈیو کے والد، دادا اور چچا کے قتل کیس میں نامزد تمام ملزمان کو بری کر دیا۔

نجی ٹی وی سے گفتگو کرتے ہوئے وکیل صلاح الدین پنہور کا کہنا ہے کہ کیس میں نامزد تمام ملزمان کو بری کر دیا گیا ہے۔

انہوں نے کہا کہ سرداری نظام کے خلاف 3 لوگوں کا دن دہہاڑے قتل ہوا، کیس میں 3 گواہ اور میڈیکل شواہد موجود تھے، اتنے شواہد پر ہماری نظر میں سزا ہوسکتی تھی، فیصلے کے خلاف ہائیکورٹ اور سپریم کورٹ میں اپیل کریں گے۔

خیال رہے آٹھ سال پرانے مقدمہ میں دو ارکان سندھ اسمبلی سمیت 8 ملزمان نامزد تھے، جن میں چار ملزمان جیل میں اور چار ضمانت پر ہیں۔

ام رباب چانڈیو کے اہلخانہ قتل کیس کے فیصلے کے موقع پر سکیورٹی کے انتہائی سخت انتظامات کیے ہیں، ڈی ایس پیز سمیت 450 پولیس اہلکار سکیورٹی کے لیے تعینات کیے گئے ہیں، ام رباب چانڈیو کے گھر کے باہر بھی سکیورٹی کے اہلکار تعینات کیے گئے ہیں۔ جوڈیشل کمپلیکس آنے جانے والے راستوں پر پولیس کی بھاری نفری تعینات ہے۔

یاد رہے کہ ماڈل کورٹ نے گزشتہ سماعت میں گواہان کے بیانات اور دلائل سننے کے بعد کیس کا فیصلہ محفوظ کیا تھا۔