*قلات میں بم دھماکہ جے یو آئی رہنما سمیت 4 افراد شہید*۔ BBC PK News Qoitta

بلوچستان کے شہر قلات کے علاقے کپوتو میں سڑک کنارے نصب بم کے دھماکے میں جمعیت علمائے اسلام (ف) کے یونین کونسلر عبداللہ نیچاری سمیت 4 افراد شہید ہوگئے۔قلات سے امیری جانے والی پک اپ پبلک ٹرانسپورٹ گاڑی سواری لے کر امیری جارہی تھی کہ کپوتو میں روڈ کے کنارے دھماکا ہوگیا، دھماکے کے نتیجے میں مقامی کونسلر عبداللہ نیچاری سمیت 4 افراد شہید اور 5 زخمی ہوگئے۔لیویز ذرائع کے مطابق شہید ہونے والوں میں ایک کمسن بچہ اور 2 خواتین بھی شامل ہیں۔ واقعے کی اطلاع ملتے ہی لیویز کی بھاری نفری موقع پر پہنچ گئی اور علاقے کو گھیرے میں لے کر لاشوں اور زخمیوں کو فوری طور پر اسپتال منتقل کردیا گیا