*حکومت کا موجودہ کشیدہ صورتحال میں سول ڈیفنس کو ہر لحاظ سے فعال کرنے کا اعلان*BBC PK News Islamabad Report

وفاقی وزیرداخلہ محسن نقوی نے اسلام آباد میں ڈائریکٹوریٹ جنرل آف سول ڈیفنس کا دورہ کیا اور کسی بھی ہنگامی صورتحال میں شہریوں کے لیے پیشگی انتظامات کا جائزہ لیا۔وزیرداخلہ محسن نقوی نے ڈائریکٹوریٹ جنرل سول ڈیفنس کا معائنہ کیا اور عملے سے ملاقات کی۔وفاقی وزیرداخلہ نے موجودہ کشیدہ صورتحال کے تناظر میں سول ڈیفنس کو ہر لحاظ سے فعال کرنےکا اعلان کیا۔محسن نقوی کا کہنا تھا کہ سول ڈیفنس ادارےکی استعدادکار بڑھائی جائےگی،کسی بھی ناگہانی صورتحال سے نمٹنےکے لیے تمام تر تیاریاں مکمل رکھی جائیں، ہنگامی حالات سے نمٹنےکے سلسلے میں شہریوں کے لیے آگاہی مہم پورا سال چلنی چاہیے۔