سندھ حکومت کا پبلک پرائیوٹ پارٹنرشپ کے تحت تھر کے کوئلہ سے کھاد بنانے کا منصوبہ.فوجی فرٹیلائیزر کی حکومت سندھ کے تعاون سے تھر کے کوئلہ سے کھاد بنانے کے منصوبہ پر سرمایہ کاری کرے گی، ناصر شاہ، قاسم نوید قمر.رپورٹ: انجنیئر جئدیو مھیشوری بیورو چیف بی بی سی پاکستان تفصیلات : BBC PK News Karachi

کراچی : وزیر توانائی، ترقیات و منصوبہ بندی سندھ کے آج وزیراعلیٰ سندھ کے معاون خصوصی برائے پبلک پرائیوٹ پارٹنرشپ قاسم نوید قمر کے ہمراہ ایک اجلاس کی صدارت کرتے ہوئے کہا ہے کہ سندھ حکومت پبلک پرائیوٹ پارٹنرشپ کے تحت تھر کے کوئلہ سے کھاد تیار کرے گی جوکہ نا صرف صوبہ سندھ کے بلکہ ملک بھر کے کاشتکاروں کی ضرورت کے مطابق کھاد تیار کرے گی۔ منصوبہ کی تکمیل کے بعد کاشتکاری کو سستی اور معیاری کھاد دستیاب ہوگی اور انھیں کھاد کی کمی کا سامنہ بھی نہیں کرنا پڑے گا۔ اس موقع پر ایم ڈی ایف ایف سی جہانگیر پراچہ اور ایف ایف سی کے سید عامر عباس، شہباز احمد خان، سکریٹری محکمہ توانائی مصدق احمد خان، ایم ڈی تھرکول انرجی بورڈ طارق علی شاہ ، ڈی جی سندھ کول اتھارٹی زین العابدین، ڈی جی پی پی پی یونٹ (ایف ڈی) اسد ضامن، اور کول گیسی فکیشن ایکسپرٹ (سی ٹی او) محکمہ توانائی سندھ بھی اجلاس میں شریک تھے۔ اس موقع پر فوجی فرٹیلائیزر کمپنی (FFC) کے وفد نے منصوبے کے حوالے سے تفصیلی بریفنگ دی اور سندھ حکومت سے منصوبے کے مختلف مراحل اور مشکلات کے حوالے سے تعاون کی درخواست کی۔ وزیر توانائی سید ناصر حسین شاہ اور وزیراعلیٰ سندھ کے معاون خصوصی قاسم نوید قمر نے اپنے اداروں اور حکومت سندھ کی جانب سے مکمل تعاون کا یقین دلاتے ہوئے کہا کہ چیئرمین بلاول بھٹو کے وژن اور وزیراعلیٰ سندھ کی خصوصی ہدایات پر عوامی بھلائی کے منصوبوں میں سرمایہ کاری کرنے والوں کو سندھ حکومت کی جانب سے ہر ممکناً سہولیات اور مراعات فراہم کی جارہی ہیں جس کے نتیجے میں ملکی و غیر ملکی سرمایہ کار حکومت سندھ کے مختلف منصوبوں میں سرمایہ کاری اور خصوصی دلچسپی کا اظہار بھی کررہے ہیں جو صوبائی حکومت کی سرمایہ کار اور صنعتکار دوست پالیسی کا مظہر ہے۔ وزیر توانائی نے کہا کہ سرمایہ کاری اور سرمایہ کاروں کو حکومت کی جانب سے ہر ممکناً سہولیات اور تعاون کے حوالے سے صدر محترم جناب آصف علی زرداری، چیئرمین بلاول بھٹو اور وزیراعلیٰ سندھ آن بورڈ ہیں۔ انھوں نے کہا کہ وفاقی حکومت کے حوالے سے منصوبے میں آنے والی مشکلات اور مسائل کے حوالے سے بھی حکومت سندھ کی جانب سے ہر ممکناً تعاون کیا جائے گا۔ زمین پانی اور دیگر حوالوں سے بھی مشکلات کو دور کیا جائے گا۔ ناصر شاہ نے کہا کہ عوامی سہولیات کے منصوبوں میں کسی بھی قسم کی تاخیر ناقابل برداشت ہوگی۔ امید ہے کہ منصوبے سے مقامی افراد کے لئے روزگار کے نئے مواقع بھی فراہم ہونگے۔