*گڈز ٹرانسپورٹرز کا کل وزیر اعلیٰ اور گورنر ہاؤس کے سامنے احتجاج کا اعلان*BBC PK News Sukkr Report

خیرپور ببرلوبائی پاس پر متازع کینالز کے خلاف 10 روز سے دھرنا جاری ہے، اس حوالے سے گڈز ٹرانسپورٹرز نے کل وزیراعلی ہاؤس اور گورنر ہاؤس کے سامنے احتجاج کا اعلان کردیا۔ملک شہزاد اعوان کی سربراہی میں گڈز ٹرانسپورٹرز تنظیموں کا اہم اجلاس منعقد ہوا، جس میں وزیراعلیٰ ہاؤس اور گورنر ہاؤس کے سامنے احتجاج کرنے کا فیصلہ کیا گیا۔ملک شہزاد اعوان کا کہنا تھا کہ ٹرانسپورٹرز کا کروڑوں اور اربوں روپے کا مال تباہ ہو رہا ہے جبکہ حکومت کی جانب سے کوئی خاطر خواہ اقدام نہیں کیا جا رہا۔انہوں نے کہا کہ ٹرانسپورٹ ایسوسی ایشنز کی جانب سے کل سہ پہر 3 بجے نیو ٹرک اسٹینڈ سے وزیراعلیٰ ہاؤس اور گورنر ہاؤس تک ریلی نکالی جائے گی۔ان کا مزید کہنا تھا کہ گزشتہ 10 دنوں سے سکھر میں ہمارے قریب 40 ہزار مال بردار گاڑیاں پھنسی ہوئی ہیں، جس سے شدید مالی نقصان ہو رہا ہے۔