*‏🔴گورو آریا کا ایرانی وزیر خارجہ کو گالی دینے اور توہین پر ایرانی سفارتخانے کا سخت ردعمل*BBC PK News

بھارت میں ایران کے سفارتخانے نے سابق بھارتی فوجی گورو آریا کی جانب سے وزیر خارجہ عباس عراقچی کو گالی دینے پر سخت ردعمل کا اظہار کیا ہے۔پاکستان مخالف سابق بھارتی فوجی گورو آریا نے ٹی وی پر ایرانی وزیر خارجہ کو نہ صرف گالی دی بلکہ توہین کا بھی نشانہ بنایا۔ٹی وی پروگرام میں گورو آریا نے ایرانی وزیر خارجہ عباس عراقچی اور بھارتی وزیر خارجہ کی تصویر پر تبصرہ کیا کہ ’عراقچی اس کا نام ہے، پاکستان میں تھا وہاں ٹاپ لیڈر شپ سے ملا بشمول وزیراعظم شہباز شریف، اب یہ آگیا بھارت‘۔انتہاپسند سابق بھارتی فوجی نے نا صرف ایرانی وزیر خارجہ کی تصویر کو مارک کیا بلکہ اس پر انگلش میں ’س*ر‘ لکھا اور کہا کہ ’اس آدمی کو اس ’س*ر کی اولاد' کو اس ’س*ر‘ کو تب آنا تھا جب پہلگام حملہ ہوا، اس کو آکر جے شنکر کو ملنا تھا اور بولنا تھا کہ ڈاکٹر جے شنکر ایران آپ کے ساتھ کھڑا ہوا ہے لیکن نہیں‘۔دوسری جانب دہلی میں ایرانی سفارتخانے نے سابق بھارتی فوجی کے عمل پر ردعمل میں کہا کہ مہمانوں کی عزت اور احترام ایران کی ثقافت کا حصہ ہے اور ہم ایرانی مہمان کو اللہ کی رحمت سمجھتے ہیں، لیکن اپنے بارے میں کیا خیال ہے؟دوسری جانب ایرانی عوام اس توہین پر شدید مشتعل ہیں اور سوشل میڈیا صارفین نے بھارت کو تنقید کا نشانہ بناتے ہوئے بھارتی حکومت سے کارروائی کا مطالبہ کیا۔