انجنیئر اوم پرکاش ڈسٹرکٹ بیورو چیف بی بی سی پاکستان نیوز ضلع پولیس عمرکوٹتاریخ: 03 مئی 2025🖊 پریس ریلیزڈپٹی کمشنر عمرکوٹ جناب نوید الرحمٰن اور ایس ایس پی عمرکوٹ جناب عزیر احمد (PSP) کی زیر صدارت 03 مئی 2025 کو ڈپٹی کمشنر آفس عمرکوٹ میں ایک اہم میٹنگ منعقد ہوئی، BBC PK News Umer Kot Om Prakash Report

جس میں ضلع کی سطح پر عیدالاضحیٰ کے موقع پر درکار سیکیورٹی، صفائی ستھرائی، قیمتوں اور ٹرانسپورٹ کرایوں کے کنٹرول سمیت دیگر ترقیاتی و انتظامی امور پر تفصیلی غور و خوض کیا گیا۔ایس ایس پی عمرکوٹ جناب عزیر احمد (PSP) نے کہا کہ عیدالاضحیٰ کے موقع پر ضلع بھر میں سیکیورٹی پلان تشکیل دے دیا گیا ہے، جس پر ذوالحج کی پہلی تاریخ سے لے کر عید کے تیسرے دن تک مکمل عملدرآمد کیا جائے گا۔ عیدگاہوں، مویشی منڈیوں اور عوامی مقامات پر پولیس کی بھاری نفری تعینات کی گئی ہے تاکہ شہریوں کو پرامن اور محفوظ ماحول فراہم کیا جا سکے۔ عیدگاہوں پر مجموعی طور پر 512 پولیس اہلکار تعینات کیے جائیں گے۔میٹنگ میں فیصلہ کیا گیا کہ ٹرانسپورٹ کرایوں پر کنٹرول کے لیے چیکنگ ٹیمیں تشکیل دی جائیں گی، اور غیر قانونی کرایہ وصولی کے خلاف سخت کارروائی عمل میں لائی جائے گی تاکہ شہریوں کو ریلیف فراہم کیا جا سکے۔قربانی کے جانوروں کی آلائشوں کو فوری طور پر ٹھکانے لگانے کے لیے بلدیاتی اداروں کو مؤثر صفائی پلان تیار کرنے کی ہدایت دی گئی، تاکہ عید کے دنوں میں صفائی کی صورتحال بہتر اور عوام کو سہولت میسر ہو۔ڈپٹی کمشنر عمرکوٹ جناب نوید الرحمٰن نے تمام اداروں کو ہدایت دی کہ وہ باہمی رابطے کو مضبوط بنائیں اور شہریوں کی سہولت، صفائی، تحفظ اور ترقیاتی اقدامات کے لیے مشترکہ ذمہ داری کے تحت بھرپور تعاون کریں۔🖋 ترجمان عمرکوٹ پولیس