کراچی : ناصر شاه جي صدارت هيٺ اجلاس، صوبي جي 10 کاتن جي 1168 اسڪيمز لاءِ 160 ارب رُپين جي تجويز۔تفصیلات ڪراچي : سنڌ جي ترقيات، رٿابندي ۽ توانائي واري وزير سيد ناصر حسين شاه جي صدارت هيٺ مالي سال 2025-26 لاءِ هڪ اهم اجلاس منعقد ٿيو جنهن ۾ صوبي جي 10 مختلف سرڪاري کاتن جي 1168 ترقياتي اسڪيمن لاءِ 160 ارب رُپيا رکڻ جي تجويز پيش ڪئي وئي. اهي کاتا جن جي اسڪيمن لاءِ بجيٽ تجويزون پيش ڪيون ويون تن ۾ ورڪس اينڊ سروسز (جيئلن سميت)، هوم ڊپارٽمينٽ، ايگريڪلچر، سپلاءِ اينڊ پرائيسز، لائيو اسٽاڪ اينڊ فشريز، ڪلچر، ٽوئرزم، آرڪائيوز ۽ اينٽيڪيٽيز، اسپورٽس اينڊ يوٿ افيئرز، سروسز، جنرل ايڊمنسٽريشن اينڊ ڪوارڊينيشن (S\&GAC)، انڊسٽريز اينڊ ڪامرس، انويسٽمينٽ، انرجي ۽ پلاننگ اينڊ ڊولپمينٽ شامل آهن. ناصر شاه جي صدارت هيٺ اجلاس ۾ نئين اسڪيمن جي ڀيٽ اڳ جاري ترقياتي اسڪيمن کي ترجيح ڏيڻ تي زور ڏنو ويو. اجلاس ۾ لاڳاپيل کاتن جا وزير، سيڪريٽري، اعليٰ آفيسر ۽ چئرمين پلاننگ اينڊ ڊولپمينٽ نجم احمد شاه به شريڪ ٿيا. ان موقعي تي ناصر شاه چيو ته سڀني ترقياتي اسڪيمن جي تياري دوران چئرمين بلاول ڀٽو زرداري ۽ وڏي وزير جي هدايتن ۽ فارمولن کي ذهن ۾ رکيو وڃي. هن زور ڏنو ته هر علائقي ۽ برادري جو خاص خيال رکيو وڃي ۽ ترقياتي ڪم بنا ڪنهن متڀيد بنيادن تي ڪرايا وڃن. اجلاس دوران هيٺيان مالي تجويزون پيش ڪيون ويون: ورڪس اينڊ سروسز (جيئلن سميت): 675 اسڪيمز لاءِ 80 ارب رُپيا، ايگريڪلچر، سپلاءِ اينڊ پرائيسز: 60 اسڪيمز لاءِ 9.7 ارب رُپيا، لائيو اسٽاڪ اينڊ فشريز: 38 اسڪيمز لاءِ 4.9 ارب رُپيا، ڪلچر، ٽوئرزم، آرڪائيوز، اينٽيڪيٽيز: 44 اسڪيمز لاءِ 2.8 ارب رُپيا، اسپورٽس اينڊ يوٿ افيئرز: 210 اسڪيمز لاءِ 6.5 ارب رُپيا، سروسز، جنرل ايڊمنسٽريشن اينڊ ڪوارڊينيشن: 77 اسڪيمز لاءِ 39 ارب رُپيا، انڊسٽريز اينڊ ڪامرس: 1.8 ارب رُپيا ، انويسٽمينٽ ڊپارٽمينٽ: 2 اسڪيمز لاءِ 0.4 ارب رُپيا ، انرجي ڊپارٽمينٽ: 16 اسڪيمز لاءِ 12.8 ارب رُپيا ۽ پلاننگ اينڊ ڊولپمينٽ: 28 اسڪيمز لاءِ 12.7 ارب رُپيا رکيا ويا.
کوئی تبصرے نہیں:
ایک تبصرہ شائع کریں