*💥برطانیہ، کینیڈا اور آسٹریلیا نے فلسـطیـن کو باضابطہ طور پر ریاست تسلیم کرلیا*BBC PK NEWS London Report

لندن: برطانیہ، کینیڈا اور آسٹریلیا نے فلسـطیـن کو باضابطہ طور پر ریاست تسلیم کرلیا۔برطانیہ نے جولائی میں اسـرائیـل کو الٹی میٹم دیا تھا کہا گر اسـرائیـل نے غـزہ میں جاری بحران کے خاتمے کے لیے اقدامات نہیں کرتا تو برطانیہ ستمبر میں فلسـطیـن کو بطور ریاست تسلیم کرلے گا۔سماجی رابطے کے پلیٹ فارم ایکس پر جاری اپنے بیان میں برطانوی وزیر اعظم کیئر اسٹارمر نے کہا کہ فلسـطینـیوں اور اسـرائیلیـوں کے لیے امن اور دوریاستی حل کی امید کو زندہ رکھنے کے لیے برطانیہ فلسـطیـن کو باضابطہ طور پر ریاست تسلیم کررہاہے۔کینیڈا نے بھی فلسـطیـن کو بطور ریاست تسلیم کرلیا ہے، کینیڈین وزیراعظم مارک کارنی کا کہنا ہے کہ اسـرائیـلی حکومت فلسـطیـنی ریاست کےقیام کے امکانات کو روکنے کے لیےمنظم حکمت عملی سے کام کررہی ہے۔آسٹریلوی حکومت نے بھی فلسـطیـن کو بطور ریاست تسلیم کرنے کا اعلان کرتے ہوئے کہا ہے کہ فلسـطیـنی ریاست کو تسلیم کرنا دوریاستی حل کی بین الاقوامی کوششوں کا حصہ ہے۔