Member of National Assembly Sher Afzal Marwat has said that only his sisters have access to PTI founder Imran Khan, because of his sisters, the founder of PT

*اپنی بہنوں کی وجہ سے عمران خان جیل سے باہر نہیں آسکے، شیر افضل مروت*

رکن قومی اسمبلی شیر افضل مروت نےکہا ہےکہ بانی پی ٹی آئی عمران خان تک صرف ان کی بہنوں کی رسائی ہے، بہنوں کی وجہ سے بانی پی ٹی آئی جیل سے باہر نہیں آسکے۔

ڈی آئی خان میں میڈیا سے گفتگو میں شیرافضل مروت کا کہنا تھا کہ پارٹی کی یہ قیادت نہ خود کام کرتی ہے نہ دوسروں کو کرنے دیتی ہے، علی امین گنڈاپور کو واپس لانے کے لیے پارٹی کو انہیں راضی کرنا ہوگا، علی امین گنڈا پورکو ہٹانےکے لیے پارٹی نے الزام تراشیاں کی تھیں۔

 شیرافضل مروت کا کہنا تھا کہ ایسے بندے کو اب وزیراعلیٰ بنایا گیا ہے جو پرائمری اسکول نہیں چلاسکتا، موجودہ وزیراعلی خیبرپختونخوا 6 ماہ میں اپنی کابینہ بھی نہیں بنا سکے ہیں۔

ان کا کہنا تھا کہ کس وزیراعلیٰ کے اسٹیبلشمنٹ سے رابطے نہیں ہوتے؟ علی امین گنڈاپور پر اسٹیبلشمنٹ سے رابطے کا الزام لگاتے ہیں، موجودہ وزیر اعلیٰ تو اسٹیبلشمنٹ سے رابطوں میں 10 قدم آگے ہیں۔

 انہوں نے مزید کہا کہ جب تک علی امین اور بیرسٹر گوہر کو آگے نہیں لایا جاتا پارٹی آگے نہیں جائےگی۔

North Karachi Power House Chowrangi Marriage Hall, North Karachi Power House

*کراچی: میرج ہال کی سیوریج لائن میں گیس بھرجانے کے باعث زور داردھماکا، متعدد افراد زخمی*

نارتھ کراچی پاور ہاؤس چورنگی میرج ہال میں سیوریج لائن میں گیس بھرجانے کے باعث زور داردھماکہ ہوا، دھماکے کے نتیجے میں میرج ہال میں موجود 4 افراد زخمی ہوگئے۔

رپورٹ کے مطابق سرسید تھانے کے علاقے نارتھ کراچی سیکٹر الیون اے پاؤرہاوس چورنگی عائشہ میرج ہال میں سیوریج لائن میں گیس بھرجانے کے باعث زور دار دھماکہ ہوا جس کی آوز دور دورتک سنی گئی۔

دھماکے کے باعث ہال میں رکھے صوفوں میں آگ بھڑک اٹھی دھماکہ اتنا زوردار تھاکہ میرج ہال کی چھت پر لگے فانوس اورلائٹیں بھی ٹوٹ گئے دھماکے کے نتیجے میں میرج ہال میں موجود 4 افراد زخمی ہو گئے جنہیں چھیپا ایمبولیس عباسی شہید اور سول اسپتال منتقل کردیا گیا۔

*Smart lockdown notification is fake, says Information Minister*

وفاقی حکومت سے منسوب اسمارٹ لاک ڈاؤن کا نوٹیفکیشن جعلی قرار دے دیا گیا ہے، جس کے بعد سوشل میڈیا پر چلنے والی افواہوں کی حقیقت سامنے آ گئی۔

وزیر اطلاعات عطا تارڑ نے اسمارٹ لاک ڈاؤن سے متعلق سوشل میڈیا پر چلنے والی خبروں کی تردید کرتے ہوئے کہا کہ حکومت نے اسمارٹ لاک ڈاؤن کا نوٹیفکیشن جاری نہیں کیا۔

قبل ازیں یہ خبریں آئی تھیں کہ وفاقی حکومت نے ملک بھر میں ہفتہ اور اتوار کو اسمارٹ لاک ڈاؤن لگانے کا فیصلہ کیا ہے، اس حوالے سے تجاویز تیار کر لی گئی ہیں۔ لیکن تاحال ان تجاویز کی منظوری نہیں دی گئی۔

تازہ ترین خبروں اور تبصروں کے لیے 

*Traditional shipping routes affected by tensions in the Middle East, increasing the importance of Gwadar Port*

وفاقی وزیر برائے بحری امور محمد جنید انوار کا کہنا ہے مشرق وسطیٰ میں کشیدگی سے روایتی شپنگ روٹس متاثر ہوئے ہیں جبکہ گوادر کی اہمیت میں اضافہ ہوا ہے۔

گوادر پورٹ پر نئے جہاز کی کامیاب برتھنگ کی تقریب سے خطاب کرتے ہوئے وفاقی وزیر محمد جنید انوار کا کہنا تھا ایم وی ایچ ایم او لیڈرکی کامیاب برتھنگ ہوئی، 35 یونٹس ٹرانس شپمنٹ کارگو ہینڈل کیاگیاْ

ان کا کہنا تھا گوادر بندرگاہ علاقائی کشیدگی کے دوران محفوظ بحری مرکزکے طور پر ابھر رہی ہے، عالمی شپنگ لائنز محفوظ متبادل کے طور پر گوادر کا رخ کرنے لگی ہیں۔

وفاقی وزیر نے کہا کہ خطے میں کشیدگی سے روایتی شپنگ روٹس متاثر ہوئے ہیں جبکہ گوادر کی اہمیت میں اضافہ ہوا ہے، ٹرانس شپمنٹ کارگو کے لیے مفت اسٹوریج سہولت موجود ہے۔

*Russia announces to stop supplying petrol to the world from April 1*

ماسکو: روس نے یکم اپریل سے دنیا کو پیٹرول کی فراہمی پر مکمل پابندی کا باضابطہ اعلان کردیا۔

 روس کے اعلان کے بعد عالمی مارکیٹ میں ایک بار پھر ہلچل مچ گئی ہے، یہ پابندی ابتدائی طور پر 31 جولائی 2026 تک نافذ رہنے کی توقع ہے، اس فیصلے کا اثر ان ملکوں پر پڑے گا جو روس کے ریفائنڈ پیٹرول پر انحصار کرتے ہیں، ان میں چین، ترکی، برازیل اور افریقہ کے کئی ممالک شامل ہیں۔ 

غیر ملکی میڈیا کے مطابق مشرق وسطیٰ میں بڑھتی ہوئی جغرافیائی سیاسی کشیدگی اور تیل کی بین الاقوامی قیمتوں میں اتار چڑھاؤ کے پیش نظر پیوٹن حکومت نے اپنے بفر اسٹاک کو محفوظ کرنے کا فیصلہ کیا ہے، روس چاہتا ہے کہ اس کے عوام اور صنعتیں سستے پیٹرول کا فائدہ اٹھا سکیں اور ملک کے اندر مہنگائی قابو میں رہے۔ 

واضح رہے روس دنیا کے سب سے بڑے تیل پیدا کرنے والے ممالک میں سے ایک ہے، اگرچہ اس پابندی کا اطلاق یوریشین اکنامک یونین کے رکن اور ان ممالک پر نہیں ہو گا جن کے ساتھ روس کے خصوصی معاہدے ہیں، لیکن خدشہ ہے کہ باقی دنیا کے لیے پیٹرول کی عالمی قیمتیں بڑھ جائیں گی۔

علاوہ ازیں روس کے نائب وزیر اعظم الیگزینڈر نوواک کے مطابق یہ فیصلہ گھریلو صارفین کے مفادات کے تحفظ کے لیے کیا گیا ہے۔ روس میں کھیتی کے موسم اور ریفائنریز کی طے شدہ دیکھ بھال کے دوران پیٹرول کی مانگ بڑھ جاتی ہے۔

یو اے ای: ایرانی حملوں سے نقصانات کی ویڈیوز اور تصاویر شیئر کرنے پر 70 برطانوی شہری گرفتار*

*

متحدہ عرب امارات نے ایران کے ڈرونز اور میزائل حملوں سے نقصانات کی ویڈیوز اور تصاویر شیئر کرنے پر برطانیہ کے 70 شہریوں کو گرفتار کرلیا ۔

برطانوی میڈیا کے مطابق یو اے ای میں70 برطانوی شہریوں کو گرفتار کیا گیا ہے جنہیں10 برس تک سزائے قیدکا سامنا کرنا پڑ سکتا ہے۔

میڈیا رپورٹس میں بتایا گیا ہے کہ گرفتار افراد پر ایران کے ڈرون اور میزائل حملوں سےنقصانات کی ویڈیوز اور تصاویر شیئر کرنے کا الزام ہے۔

میڈیا رپورٹس کے مطابق گرفتار افراد میں برطانیہ کے سیاح، یو اے ای میں مقیم شہری اور جہازوں کا عملہ شامل ہے، بعض گرفتار افراد کو ضمانت پر رہائی دے دی گئی ہےتاہم ان کے پاسپورٹ ضبط کر لیے گئے ہیں تاکہ وہ امارات نہ چھوڑ سکیں۔

میڈیا رپورٹس میں مزید بتایا گیا ہے کہ اماراتی قانون کے تحت بعض تصاویر کو وصول کرنا بھی جرم ہے، تصاویر وصول کرنے کی سزا 10برس قید اور 2 لاکھ درہم جرمانہ ہوسکتی ہے۔

برطانوی میڈیا کے مطابق جنگ سے پہلے 2 لاکھ 40 ہزاربرطانوی شہری دبئی میں مقیم تھے، ایران جنگ شروع ہونےکے بعد خیال ہے ان میں سے نصف برطانیہ واپس آچکے ہیں۔

Umerkot: A delegation of dignitaries from Umerkot district met with the Governor of Sindh at the Governor House, Karachi.

رپورٹ : انجنیئر اوم پرکاش ڈسٹرکٹ بیورو چیف عمرکوٹ ۔

تفصیلات:

ضلع عمرکوٹ کے معززین کے وفد کی گورنر سندھ سے گورنر ہاؤس میں ملاقات۔ وفد کی قیادت ڈاکٹر میر امان اللہ خان تالپور نے کی، جبکہ وفد میں سید صفدر علی شاہ، موھن لال موتی اور سید شاہجہان علی شاہ بھی شامل تھے۔

ملاقات کے دوران وفد نے گورنر سندھ کو عہدہ سنبھالنے پر مبارکباد پیش کی۔ اس موقع پر سندھ کی روایتی ثقافت کی عکاسی کرتے ہوئے اجرک کا تحفہ بھی پیش کیا گیا جس پر گورنر سندھ نے شکریہ ادا کیا۔

ملاقات میں باہمی امور اور صوبے کی مجموعی صورتحال پر تبادلہ خیال کیا گیا۔ ڈاکٹر میر امان اللہ خان تالپور اور دیگر شرکاء نے عوامی خدمت کے جذبے کو مزید مضبوط بنانے کے عزم کا اظہار کیا۔

گورنر سندھ نے وفد سے گفتگو کرتے ہوئے کہا کہ استحکام اور عوامی مسائل کے حل کے لیے مشترکہ کوششیں ناگزیر ہیں۔