*سونے کی فی تولہ قیمت میں ایک بار پھر بڑا اضافہ*کراچی: پاکستان میں سونے کی قیمت میں مسلسل اضافے کا سلسلہ جاری ہے، آج بھی سونے کی قیمت میں بڑا اضافہ ہوا۔آل پاکستان جیمز اینڈ جیولرز ایسوسی ایشن کے مطابق پاکستان میں سونے کی فی تولہ قیمت 1500 روپے اضافے کے ساتھ 3 لاکھ 9 ہزار 500 روپے پر پہنچ گئی۔اسی طرح 10گرام سونا 1286 روپے اضافے کے ساتھ 2 لاکھ 65 ہزار 346 کا ہوگیا۔عالمی مارکیٹ میں بھی گولڈ کی قیمت میں اضافہ ہوا، سونا 13 ڈالر اضافے سے 2948 ڈالر فی اونس کا ہوگیا۔یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔