جشن عید الفطر آپ ، ہم اور اقوام عالم کو ڈھیروں ساری خوشیاں مبارک ۔انجنیئر جئدیو مھیشوری بیورو چیف بی بی سی پاکستان ۔ BBC PK

اپنی خوشیاں بھول جا، سب کا درد خرید ،"سیفی" تب کہیں جاکر ، تیری ہوگی عید۔عید کا مبارک دن خوشی ، محبت ، امن و بھائی چارگی اور سلامتی کا درس دیتا ہے ۔ عید محض رسم نہیں، عید احساسات کا میلہ ہے ، جہاں خوشیاں ہی خوشیاں بکھیری جاتی ہیں، جہاں ہمیں آپس کے چھوٹے چھوٹے تنازعات ، رنجشیں بھلا کر ،کھلے دل اور خندہ پیشانی سے معاف کرکے تمام تر محبت سے ایک دوسرے کو گلے لگا کر جام محبت بھرنے کا دن ہے ۔آج کے بابرکت اور مقدس تہوار پر ہمیں اپنے بزرگوں سے ، اپنی بہنوں اور بیٹیوں سے, مسکینوں و نادار اورمصیبتوں میں مبتلا لوگوں میں امید کے چراغ روشن کرنے ہیں ، ان کے غم کو اپنا غم سمجھ کر امید کی کرن روشن ، اعتماد اور عقیدت کے پھول نچھاور کرنے ہیں۔ ہمیں یگانیت ، شعور اور استحکام کی شمع جلائے رکھنا ہے ۔ خداوند تعالٰی ہم سب کو ہمت حوصلہ ،جذبہ اور ایمانی طاقت عطا فرمائے ۔ آمین ثم آمین ۔پیارے وطن پاکستان ۔۔۔۔سندھ میں ہمیشہ کی طرح عید کا تہوار روایتی جوش و خروش ، جذبے و امنگ ، رنگ و ترنگ ، احترام و والہانہ عقیدت اور خوشی و سعادت سے منایا جا رہا ہے۔ سندھ کے شہروں ، گاؤں اور قصبوں میں ہزاروں کی تعداد میں چھوٹے اور بڑے اجتماعات کی صورت میں نماز عید ادا کی گئی ، پیارے ملک و ملت کی ترقی اور ترویج ، خوشحالی اور بقا ، باہمی امن ، اخلاص اور بھائی چارے کے لیئے خصوصی دعائیں مانگی گئیں ۔ بزرگان ، بچے ، نوجوان ، رفیق اور رقیب اس مقدس تہوار پر بلا تفریق ایک دوسرے کو گلے لگایا اور خوشی کا اظہار کیا ۔ کراچی میں کروڑوں لوگوں نے عید کا تہوار روایتی جوش و جذبے سے منا رہے ہیں۔ اپنے پیاروں سے ملکر عید کی خوشیاں اور رونقیں بکھیر کر عید کے جشن کو چار چاند لگا دیئے ہیں بمصداق* آئی چمن میں بہار*۔حیدرآباد میں بھی عید کا جشن اور میلے کا سماں ہے ،*ایک عید ، مختلف انداز رنگ* لوگ جامشورو بئراج اور کوٹری بیراج پر عید اجتماع کی صورت میں عید کی خوشیوں سے سرشار بھی ہیں تو سندھو ماتا کی خشک سالی اور سندھو دریا پر 06 نئےکینالز کے معاملے پر سراپا احتجاج اور نالاں بھی ہیں۔ لوگوں ان سندھ دشمن منصوبوں کے خلاف سندھو ماتا سے عقیدت کا اظہار کرتے ہوئے سندھو دریا (کوٹری) کے کنارے کشتیوں میں عید نماز اداکر کے اپنا احتجاج ریکارڈ کرایا اور ملک اور سندھ کی خوشحالی کے لیئے اجتماعی طور پر بار گاھ ایزدی میں دعائیں مانگی گئیں ۔ نوابشاھ/ شہید بینظیر آباد میں بھی عید کے مقدس دن کی خوشیاں مبارک روبہ عروج پر ہیں۔ صدر مملکت آصف علی زرداری نے بھی اپنے آبائی علاقے میں عید نماز ادا کی اور عوام الناس سے محبت اور خوشی کا اظہار کیا ۔سندھ کے دیگر علاقوں کی طرح سکھر ، لاڑکانہ گھوٹکی ، کندھکوٹ ، جیکب آباد ، شکارپور ، کشمور ، دادو ،نوشہرو فیروز ، سیوھن شریف، مورو، بدین، ٹنڈو محمد خان ، ٹنڈوالہ یار ، ٹھٹہ، مٹھی ، اسلام کوٹ میں بھی عید میلے کا جشن جوک در جوک پر ہے۔خیرپور/پیر گوٹھ میں حروں کے روحانی پیشوا پیر صاحب پگارا نے اپنے مریدین کو زیارت کا شرف بخشا اور ملک و ملت کی ترقی و ترویج کےلئے اجتماعی دعائیں مانگی گئیں ۔ عمرکوٹ تھرپارکر کے علاقوں میں بھی سندھی قوم جاگ اٹھی ۔عید نماز کے بعد متنازع کینال منصوبے اور کارپوریٹ فارمنگ کے خلاف شہر۔شہر میں اجتماعی مظاہرے کیئے گئے اور ناپسندیدگی کا اظہار کیا اور سندھ کے استحصال کا الزام لگایا ۔میرپورخاص میں بھی میرپورخاص کی مرکزی عید گاہ کھار پاڑہ میں عید نماز اداکر کرنے کے بعد عبدالرحمان پنہور اور ان کے معصوم بچوں سمیت دیگر شہریوں نے سندھو دریا پر 06 کینالز نکالنے اور کارپوریٹ سیکٹر میں فارمنگ کے خلاف پلے کارڈز ہاتھوں میں اٹھاکر بھرپور احتجاج کیا ۔