‏ریاست اور بلوچ کے درمیان واحد رشتہ اگر کوئی ہے تو وہ صرف اور صرف ظالم اور مظلوم کا ہے ڈاکٹر صبیحہ بلوچ BBC PK News Qoitta

اور ریاست نے خود کو ہمیشہ ایک بے رحم ظالم کے طور پر ثابت کیا ہے۔ کل، ڈاکٹر ماہرنگ گلزادی اور بیبو پر ہونے والے بہیمانہ تشدد کی ذمہ دار پولیس افسر زرغونہ ترین تھی۔ سی ٹی ڈی اور جیل کے دیگر اہلکاروں کو حکم دیا گیا کہ وہ ہمارے ساتھیوں پر تشدد کریں، لیکن جب اُنہوں نے اس غیر قانونی اور غیر انسانی اقدام سے انکار کیا، تو زرغونہ ترین کو خود بلایا گیا۔وہ پہلے برقع میں آئی، خود کو چھپائے رکھا، مگر جب اس نے ظلم میں “اعتماد” محسوس کیا تو برقع اتار کر ڈاکٹر ماہرنگ اور بیبو پر بے رحمانہ تشدد شروع کر دیا۔ اس نے نہ صرف بیبو کو مارا بلکہ اُسے گھسیٹتے ہوئے ساتھ لے گئی۔کیا ہم یہ داغ بھول سکتے ہیں؟ڈی سی کوئٹہ ہو یا زرغونہ ترین یہ سب ریاستی ظلم کے آلہ کار ہیں، اور اُن قوتوں کا حصہ ہیں جو بلوچوں کی نسل کشی اور تذلیل پر مامور ہیں۔ جیل میں موجود ہر شخص ان مناظر کو دیکھ کر آبدیدہ تھا۔ یہ ایک واضح پیغام ہے اُن بلوچ اور پشتون نوجوانوں کے لیے جو آج بھی پولیس، فوج یا ریاستی اداروں کا حصہ بن رہے ہیں کہ کل کو انہی کے سامنے اُن کی ماؤں اور بہنوں کی تذلیل کی جائے گی‎