فردو کی جوہری تنصیبات پر حملے کے لیے امریکہ نے اپنے بنکر بسٹر بم استعمال کیے،تصویر کا ذریعہMAXAR/BBC
،تصویر کا کیپشنفردو کی جوہری تنصیبات پر حملے کے لیے امریکہ نے اپنے بنکر بسٹر بم استعمال کیے
22 جون 2025، 11:34 PKT
اپ ڈیٹ کی گئی 15 منٹ قبل
امریکی صدر ڈونلڈ ٹرمپ کا کہنا ہے کہ امریکی جنگی طیاروں نے ایران میں تین جوہری مقامات پر بمباری کی ہے، جس کے بعد امریکہ باقاعدہ طور پر ایران اور اسرائیل کے درمیان جاری جنگ میں شامل ہو گیا ہے۔
اتوار کی صبح صدر ٹرمپ نے امریکی عوام سے ٹیلی ویژن پر ایک مختصر خطاب میں کہا کہ ’یاد رہے، بہت سے اہداف باقی ہیں۔ آج کی رات اب تک کی سب سے مشکل اور شاید سب سے مہلک رات تھی،"
ان کا کہنا تھا کہ ’اگر امن جلد نہیں قائم ہوا تو ہم درستگی، رفتار اور مہارت کے ساتھ ان دوسرے اہداف تک جائیں گے۔‘
امریکی بمباری کے اہداف میں سے ایک تہران کے جنوب میں دور دراز پہاڑی علاقے میں قائم یورینیم کی افزودگی کا مرکز فردو تھا جو ایران کے جوہری عزائم کے لیے کلیدی حیثیت رکھتا ہے۔
اشتہار
تاحال یہ واضح نہیں کہ فردو کی تنصیبات کو کس قسم کا نقصان پہنچا ہے۔ ایران کی جانب سے کسی بڑے نقصان کا اعتراف نہیں کیا گیا تاہم امریکی حکام کے مطابق یہ تنصیبات تباہ کر دی گئی ہیں۔
کوئی تبصرے نہیں:
ایک تبصرہ شائع کریں