انجنیئر جئدیو مھیشوری ایگزیکٹو بیورو چیف ڈیلی بی سی پاکستان نیوز " دہشتگردی، انڈیا کا سفارتی ہتھیار"۔اگر آپ یہ سمجھتے ہیں کہ دہشتگردی صرف چند پاگلوں کا خبط ہے یا چند مدرسوں کا پیدا کردہ جنون، تو آپ اصل کھیل کو سمجھے ہی نہیں۔ پاکستان اور افغانستان میں جو بنیاد پرستی بوئی گئی تھی، BBC PK News Karachi Jaidev baeruo chief executive Report

وہ ایک حادثہ نہیں تھا، وہ ایک منصوبہ تھا۔ اور جب وہ منصوبہ سوویت یونین کے خاتمے تک پورا ہو گیا، تو "ٹھیکیدارِ امن" یعنی مغربی اتحادی خاموشی سے اپنا ساز و سامان سمیٹ کر چلتے بنے۔سوال یہ نہیں کہ وہ اس عفریت کو ختم کیوں نہ کر سکے۔ سوال یہ ہے کہ کیا وہ اسے ختم کرنا بھی چاہتے تھے؟ یا وہ صرف اتنا ہی چاہتے تھے کہ ایک مستقل آلہ تیار ہو جائے جسے بوقتِ ضرورت استعمال کیا جا سکے؟ دہشتگردی کبھی افغانستان کے پہاڑوں میں مفید رہی، کبھی شام کے کھنڈرات میں۔ کبھی اسے ختم کرنے کا شور مچایا گیا، اور کبھی اسے ہتھیار کے طور پر استعمال کیا گیا۔ مقصد ایک ہی تھا: مسلمانوں کو یا تو دہشتگرد بنانا ہے، یا دہشتگرد ثابت کرنا ہے۔اب امریکہ میں یہ بحث اٹھنا شروع ہوئی ہے کہ کیا پاکستان میں موجود مذہبی شدت پسندی کو ختم کرنا ممکن بھی ہے؟ خود امریکی ماہرین اعتراف کرتے ہیں کہ یہ مسئلہ نہ صرف پیچیدہ ہے بلکہ عالمی سطح پر ہم آہنگی کے بغیر حل ہونا ممکن نہیں۔ مگر مسئلہ یہ ہے کہ بھارت اس عالمی ہم آہنگی کو سبوتاژ کرتا ہے، کیونکہ وہ اس انتشار کا اصل بینیفیشری ہے۔انڈیا کا کھیل بڑا واضح ہے:1۔ پاکستان میں دہشتگردی کرواؤ۔2۔ پھر عالمی سطح پر شور مچاؤ کہ پاکستان دہشتگردی کا

گڑھ ہے۔3۔ سفارتی ہمدردیاں سمیٹو۔4۔ کشمیر پر اپنی کمزور پوزیشن کو “دہشتگردی کے خلاف جنگ” کے پردے میں چھپاؤ۔یعنی بھارت کو دہشتگردی نامی ہتھیار ہاتھ لگ گیا ہے جو اسے پاکستان پر مسلسل دباؤ ڈالنے کی اجازت دیتا ہے۔ بھارت نے اس ہتھیار کو تین دہائیوں تک پروپیگنڈہ، سفارتکاری اور جنگی بیانیے کے طور پر استعمال کیا ہے۔یہی وجہ ہے کہ پاکستان کو مسلسل عدم استحکام میں دھکیلا جاتا ہے۔ کبھی اندرونی شورشیں، کبھی سرحدی دراندازیاں، کبھی عالمی سطح پر تنہائی کی کوششیں۔ بھارت کا مقصد سادہ ہے، پاکستان کو اس نہج پر رکھا جائے جہاں وہ صرف اپنا دفاع کرتا رہے، کسی بڑی بات یا مؤقف کے قابل ہی نہ رہے۔پاکستان کو ایک بہت بہترین موقع ملا ہے کہ وہ دہشت گردی سے اپنی جان چھڑوا لے۔ اس وقت پاکستان کو دہشت گردی سے سب سے زیادہ خطرہ ہے پاکستان اگر دہشتگردی کے خلاف جنگ میں لیڈ لے لے اور پورے بیانیے کو ہی بدل ڈالے تو انڈیا کے پلے کچھ بھی نہیں بچتا۔منقول ۔۔۔