انجنیئر جئدیو مھیشوری ایگزیکٹو بیورو چیف ڈیلی بی بی سی پاکستان نیوز کراچی: BBC PK News Karachi Jaidev baeruo chief executive Report

کراچی کی مقامی عدالت نے ڈیفنس میں نوجوان پر تشدد کے کیس میں نامزد ملزمان سلمان فاروقی اور اویس ہاشمی کی ضمانت کی درخواست خارج کر دی۔ یہ کیس حالیہ دنوں میں سوشل میڈیا پر زیر بحث رہا جہاں متاثرہ نوجوان پر کیے گئے تشدد کی ویڈیوز وائرل ہوئیں۔ اے ڈی جے تین جنوبی کی عدالت نے ڈیفنس میں نوجوان پر تشدد کرنے کے کیس میں نامزد ملزمان سلمان فاروقی اور اویس ہاشمی کی ضمانت کی درخواست مسترد کر دی,قبل ازیں, عدالت میں متاثرہ نوجوان نے سلمان فاروقی کو عدالت میں معاف کرتے ہوئے کہا کہ عدالت جو بھی فیصلہ کرے مجھے کوئی اعتراض نہیں,دوران سماعت پولیس کی جانب سے ملزمان سلمان فاروقی اور اویس ہاشمی کو عدالت میں پیش کیا گیا, متاثرہ نوجوان بھی عدالت میں پیش ہوا اور ملزمان کو شناخت کیا,

عدالت نے پوچھا کہ تمہیں کسی قسم کے دباوٴ کا سامنا تو نہیں تو متاثر نوجوان نے عدالت میں بیان دیتے ہوئے کہا کہ میں کوئی کیس نہیں کرنا چاہتا میں نے ملزم کو معاف کر دیا, عدالت جو بھی فیصلہ کرے مجھے کوئی اعتراض نہیں, عدالت نے اپنے فیصلے میں کہا کہ ابتدائی شواہد اور گواہوں کے بیانات ملزمان کے خلاف الزامات کی نشاندہی کرتے ہیں۔

فاضل جج نے قرار دیا کہ اس مرحلے پر ضمانت دینے سے انصاف کی راہ میں رکاوٹ پیدا ہو سکتی ہے اور ممکنہ طور پر ملزمان شواہد پر اثرانداز ہو سکتے ہیں۔ عوامی حلقوں میں اس فیصلے کو سراہا گیا ہے اور اسے قانون کی بالادستی کی علامت قرار دیا جا رہا ہے۔ یہ فیصلہ آئندہ ایسے واقعات کی روک تھام میں معاون ثابت ہو سکتا ہے۔ملزمان اس وقت جیل میں ہیں.