راٹی نندلالڈسٹرکٹ بیورو چیف تھرپارکر مٹھیڈیلی بی بی سی پاک نیوزمٹھی: تھرپارکر میں سندھ سوشل پروٹیکشن پروگرام کے تحت ماں اور بچے کی صحت کے حوالے سے اجلاس کا انعقاد ہوئا تفصیلات : BBC PK News Tharparkar Rathi Nandlal Report

مٹھی : ڈپٹی کمشنر تھرپارکر عبدالحلیم جاگیرانی کی ہدایت پر سندھ سوشل پروٹیکشن پروگرام سے متعلق ایک اہم اجلاس ایڈیشنل ڈپٹی کمشنر-II تھرپارکر فرید حنیف کی صدارت میں منعقد ہوا۔اجلاس سے خطاب کرتے ہوئے ایڈیشنل ڈپٹی کمشنر-II فرید حنیف نے کہا کہ ماں اور بچے کی صحت سے متعلق آگاہی پروگرام کو مزید مؤثر بنایا جائے تاکہ اس کے بہتر نتائج حاصل کیے جا سکیں۔ انہوں نے کہا کہ حاملہ خواتین اور بچوں کی صحت کی بہتری کے لیے ہر ممکن کوشش کی جائے، اور اس حوالے سے کسی بھی قسم کی کوتاہی ہرگز برداشت نہیں کی جائے گی۔اس موقع پر "ممتا پروگرام" کے ضلعی کوآرڈینیٹر مجیب الرحمان نے بریفنگ دیتے ہوئے بتایا کہ ہماری ٹیمیں تھرپارکر کے دور دراز علاقوں میں ماں اور بچے کی صحت سے متعلق آگاہی پروگرام جاری رکھے ہوئے ہیں۔ انہوں نے زور دیا کہ اس کام کو مؤثر بنانے کے لیے نادرا کی معاونت درکار ہے، اور نادرا کی موبائل ٹیموں کو ہماری ٹیموں کے ساتھ مختلف دیہاتوں میں کام کرنے کو یقینی بنایا جائے۔جواباً ایڈیشنل ڈپٹی کمشنر-II نے ہدایت جاری کی کہ جہاں کہیں بھی آگاہی پروگرام منعقد کیا جائے، اس کی پیشگی اطلاع ضلعی انتظامیہ کو دی جائے تاکہ اس دن نادرا کی موبائل ٹیم بھی وہاں موجود ہو سکے۔اجلاس میں محکمہ سماجی بہبود، محکمہ صحت اور دیگر متعلقہ اداروں کے افسران بھی شریک تھے۔