کراچی : تھانہ سائٹ سپر ہائی وے (نیو سبزی منڈی چوکی) پولیس نے نان کسٹم پیڈ سامان کی اسمگلنگ ناکام بنادی۔

رپورٹ: جئدیو مھیشوری بیورو چیف تفصیلات:کراچی : نیو سبزی منڈی چوکی تھانہ سائیٹ سپر ھائی وے پولیس نے نان کسٹم پیڈ سامان کی سمگلنگ ناکام بنادی ۔ملزمان چودہ وہیلر ٹرک میں لاکھوں روپے مالیت کا نان کسٹم پیڈ سامان پنجاب اسمگل کرنے کی کوشش کررہے تھے۔پولیس نے خفیہ اطلاع پر کاروائی کر کے ٹرک کو قبضہ پولیس میں لیا، جبکہ ملزمان فرار ہوگئے۔ٹرک سے برآمدہ سامان میں LED ٹی وی، کپڑے کے تھان، ایرانی دودھ اور دیگر نان کسٹم پیڈ اشیاء شامل ہے۔اسمگلنگ میں استعمال ہونے والا ٹرک نمبری TLU-185 اور برآمدہ سامان کو زیر دفعہ 550 Cr.Pc کے تحت قبضہ پولیس میں لے لیا گیا ہے۔برآمدہ سامان و گاڑی کو مزید قانونی کاروائی کے لئے کسٹم حکام کے حوالے کردیا جائے گا ۔