*18 سال سے کم بچوں کی شادی پر پابندی کا قانون وفاقی شرعی عدالت میں چیلنج*BBC PK News Islamabad Report

18 سال سے کم بچوں کی شادی پر پابندی کے قانون کو وفاقی شرعی عدالت میں چیلنج کردیا گیا،قومی اسمبلی اور سینیٹ سے منظوری کے بعد صدر مملکت آصف زرداری نے 30 مئی کو ’اسلام آباد کیپیٹل ٹیریٹری چائلڈ میرج ریسٹرینٹ بل‘ پر دستخط کرکے اس کی منظوری دی تھی۔شہری شہزادہ عدنان نے اپنے وکیل مدثر چوہدری ایڈووکیٹ کی وساطت سے درخواست دائر کردی جس میں موقف اختیار کیا گیا ہے کہ چائلڈ میرج ریسٹرین بل 2025 خلاف قرآن، حدیث اور آئین کے خلاف بنایا گیا ہے، درخواست میں قرآنی آیات کا حوالہ بھی دیا گیا ہے۔شادی سے متعلق قانون میں قید بامشقت کی سزا رکھی گئی ہے جوکہ خلاف آئین و قانون ہے، درخواست میں استدعا کی گئی ہے کہ قرآن و سنت کے منافی قانون کو کالعدم قرار دیا جائے اور ریاست کو اس قانون کے تحت مقدمہ درج کرنے سے روکا جائے۔

*کراچی، زلزلوں کا سلسلہ تھم نہ سکا، مختلف علاقوں میں ایک بار پھر زمین لرز اٹھی، شہری خوف زدہ*

کراچی: قائدآباد، شاہ لطیف کالونی اور بھینس کالونی میں ایک بار پھر زلزلے کے شدید جھٹکے محسوس کیے گئے، جس کے باعث عوام خوفزدہ ہو کر گھروں سے نکل آئے۔زلزلہ پیما مرکز کے مطابق زلزلے کی شدت ریکٹر اسکیل پر 3.1 ریکارڈ کی گئی، جبکہ زلزلے کی گہرائی تقریباً 80 کلومیٹر تھی۔ زلزلے کا مرکز ملیر سے تقریباً 10 کلومیٹر مشرق کی جانب تھا۔واضح رہے کہ اتوار کی شام سے کراچی میں زلزلوں کا سلسلہ شروع ہوا تھا جو ابھی تک تھم نہیں سکا، زلزلہ سے متاثرہ علاقوں کے شہری شدید خوف میں مبتلا ہیں۔

اوم پرکاش ڈسٹرکٹ بیورو چیف ھیرالال مالھی تحصیل رپورٹر عمرکوٹ ڈیلی بی بی سی پاکستان نیوز ضلع پولیس عمرکوٹ📅 تاریخ: 03 جون 2025🖊 پریس ریلیزعمرکوٹ: ایس ایس پی عمرکوٹ کی ہدایات پر منشیات فروشوں، سماج دشمن عناصر، روپوش اور اشتہاری ملزمان کے خلاف سخت کریک ڈاؤن جاری ہے۔ ضلع کے مختلف تھانوں کی متعدد کامیاب کارروائیاں، منشیات، گٹکا، شراب، اور دیگر ممنوعہ اشیاء برآمد، اور کئی ملزمان گرفتار۔🔹 BBC PK News Umer Kot Om Prakash Report

تھانہ دھورونارو کی کارروائی:پولیس نے کارروائی کرتے ہوئے ملزم ساجن ولد محمد سلیمان ذات شیخ، سکنہ کھاہی، تعلقہ کھپرو کو گرفتار کیا، جس کے قبضے سے 10 لیٹر دیسی شراب برآمد کی گئی۔اس حوالے سے مقدمہ نمبر 16/2025 بجرم 3/4 PEHO درج کیا گیا۔🔹 تھانہ کنری کی دو الگ الگ کارروائیاں:1️⃣ پہلی کارروائی:ملزم شاہد عرف شاہدو ولد خدا بخش بلوچ، سکنہ بلوچ پاڑہ کنری کو گرفتار کیا گیا، جس کے قبضے سے 230 گرام چرس برآمد ہوئی۔اس کے خلاف مقدمہ نمبر 92/2025 بجرم 9(1) 3(A) سندھ کنٹرول آف نارکوٹکس ایکٹ 2024 درج کیا گیا۔2️⃣ دوسری کارروائی:ملزم اکبر عرف عقل ولد آسا بلوچ، سکنہ بلوچ پاڑہ کنری کو گرفتار کیا گیا، جس کے قبضے سے 120 گرام چرس برآمد ہوئی۔اس کے خلاف مقدمہ نمبر 93/2025 بجرم 9(1) 3(A) سندھ کنٹرول آف نارکوٹکس ایکٹ 2024 درج کیا گیا۔🔹 روپوش ملزم کی گرفتاری (تھانہ کنری):پولیس نے کامیاب کارروائی کرتے ہوئے مقدمہ نمبر 53/2025 بجرم 9(1) 3a CNS Act کے مطلوب روپوش ملزم شاہد عرف شاہدو ولد خدا بخش بلوچ کو ریلوے پھاٹک کنری کے قریب سے 03 جون 2025 بوقت 09:30 بجے گرفتار کرلیا۔🔹 تھانہ چھور کی کارروائی:قتل کے مقدمے میں مطلوب ملزم محمد عثمان ولد محمد قائم منگریو، سکنہ کھیت سنگھ، تعلقہ عمرکوٹ کو 03 جون 2025 بوقت 06:00 شام، کوٹ واہ کے قریب گرفتار کیا گیا۔ملزم کے خلاف مقدمہ نمبر 15/2025 بجرم 302 PPC درج ہے۔🔹 تھانہ عمرکوٹ سٹی کی کارروائی:ملزم ڻالهو ولد بھیمو بھیل، سکنہ رحیم کالونی عمرکوٹ کو 03 جون 2025 بوقت 05:30 شام، بیلو کھاٹو عمرکوٹ کے قریب گرفتار کیا گیا۔اس کے خلاف مقدمہ نمبر 102/2025 بجرم 451, 506(2), 504 PPC درج ہے۔🔹 تھانہ غلام نبی شاہ کی کارروائی:پولیس نے کارروائی کرتے ہوئے ملزم میانداد عرف مینهو ولد جلال راجر، سکنہ منٹھار راجر، تعلقہ پٹھورو کو گرفتار کیا۔ملزم کے قبضے سے 10 پیکٹ آداب 1000 پوری، نقدی 300 روپے اور موٹر سائیکل CD 70 سرخ رنگ، نمبر HEC 2523 برآمد کی گئی۔اس کے خلاف مقدمہ نمبر 15/2025 بجرم 4, 5, 8 سندھ گٹکا و من پوری ایکٹ 2019 درج کیا گیا۔🔹 ایس ایس پی عمرکوٹ نے اس موقع پر کہا:"منشیات، گٹکا، اور دیگر مضر صحت اشیاء معاشرے میں تباہی کا باعث بن رہی ہیں، ان کے خلاف زیرو ٹالرنس کی پالیسی کے تحت بلا امتیاز کارروائیاں جاری رکھی جائیں گی۔ پولیس شہریوں کی جان و مال کے تحفظ اور امن و امان کی بحالی کے لیے پرعزم ہے۔"🖋 ترجمان عمرکوٹ پولیس

*ٹک ٹاکر ثناء یوسف کو دردناک انداز میں قتل کیوں کیا گیا؟ ملزم کون ہے اور کیسے پکڑا گیا؟ تہلکہ خیز انکشافات*BBC PK News Islamabad Report M KHUDABUX ABBASI

اسلام آباد: آئی جی اسلام آباد علی ناصر رضوی نے کہا ہے کہ پورے ملک سے ثناء یوسف کے قتل پر سوالات پوچھے جارہے تھے، ملزم کی شناخت کرنا انتہائی مشکل مرحلہ تھا۔آئی جی اسلام آباد علی ناصر رضوی نے پریس کانفرنس میں بتایا کہ ملزم کو کیفر کردار تک پہنچانے کے لیے پورے ملک سے آوازیں اٹھائی جارہی تھیں، ٹیموں نے سیلولر ٹیکنالوجی سمیت مختلف ٹیکنالوجی پر کام کیا، 300 فون کالز کا تجزیہ کیا گیا۔انہوں نے کہا کہ ثناء یوسف کا موبائل فون ملزم اپنے ساتھ لے گیا تھا، ایک چھاپہ فیصل آباد اور 2 چھاپے جڑانوالہ میں مارے گئے، ملزم عمر کو ان چھاپوں کی نتیجے میں گرفتار کیا گیا، ملزم کا والد گریڈ 16 کا ملازم تھا۔علی ناصر رضوی نے کہا کہ ملزم سے ثناء یوسف کا موبائل فون اور آلہ قتل بھی برآمد کرلیا ہے، ملزم میٹرک فیل اور 22 سال کا لڑکا ہے، ملزم بار بار ثناء یوسف سے رابطہ کر رہا تھا، مقتولہ ملزم کو بار بار رد کر رہی تھی۔آئی جی اسلام آباد نے کہا کہ ثناء یوسف کی سالگرہ پر ملزم نے رابطے کی بھرپور کوشش کی، ملزم نے بار بار سیلولر اور فزیکل رابطے میں ناکامی کے بعد قتل کا منصوبہ بنایا، ملزم موبائل ساتھ لے جا کر ثبوت مٹانا چاہتا تھا۔ انہوں نے کہا کہ اندھے قتل کو اسلام آباد پولیس نے 20 گھنٹوں میں ٹریس کیا، ملزم کو ناقابل تردید شواہد کے ساتھ تختہ دار تک پہنچائیں گے، ملزم کو اس وقت فیصل آباد سے اسلام آباد لا رہے ہیں۔آئی جی اسلام آباد علی ناصر رضوی نے کہا کہ ثناء یوسف ملزم کے ناپاک ارادوں کو منع کرتی رہی، ثناء یوسف کے کیس کے بعد اسلام آباد سمیت پورے ملک میں تشویش کی لہر دوڑ گئی تھی۔ انہوں نے کہا کہ 17 سال کی عمر میں سوشل میڈیا پر ان کا انفلوئنس تھا، ثناء یوسف کو شام 5 بجے ان کے گھر میں قتل کیا گیا، ٹک ٹاکر کو 2 گولیاں لگیں، وہ جانبر نہ ہوسکیں، یہ کیس ہمارے لیے بہت بڑا چیلنج تھا، ملزم کی گرفتاری کےلیے 113 کیمروں کی ویڈیوز جمع کیں۔آئی جی اسلام آباد نے کہا کہ ملزم عمر حیات کو فیصل آباد سے گرفتار کیا، قاتل کی گرفتاری کےلیے 7 ٹیمیں بنائی تھیں۔ واضح رہے کہ ٹک ٹاکر ثناء یوسف کے قتل کا واقعہ گزشتہ روز جی 13 ون میں پیش آیا تھا۔*

*کراچی میں شہری پر تشدد میں ملوث سلمان فاروقی کو عدالت میں پیشی پر وکیل نے تھپڑ ماردیا*BBC PK News Karachi Jaidev baeruo chief executive Report

کراچی میں شہری پر تشدد میں ملوث ملزم سلمان فاروقی کو عدالت میں پیشی کے موقع پر وکیل نے تھپڑ ماردیا۔کراچی کے علاقے ڈیفنس اتحاد کمرشل میں نوجوان پر تشدد کے کیس میں نامزد ملزمان اویس ہاشمی اور سلمان فاروقی کو جوڈیشل مجسٹریٹ جنوبی کی عدالت میں پیش کیا گیا۔ عدالت نے ملزم سلمان فاروقی سے سوال کیا کہ آپ کا وکیل کون ہے؟ ملزم نے کہا کہ میرے وکیل نعیم قریشی ہیں۔ عدالت نے ملزم کو اپنے وکیل کو بلانے کی ہدایت کی جس کے بعد سماعت دس منٹ کیلئے ملتوی کردی۔ وقفے کے بعد گذری تھانہ کی پولیس نے دونوں ملزمان کو دوبارہ عدالت میں پیش کیا۔ ملزم سلمان فاروقی کی جانب سے درخواست ضمانت دائر کردی گئی۔ عدالتی عملے نے ملزمان کی درخواست ضمانت اعتراض لگاکر واپس کردی۔ عدالتی عملہ کا کہنا تھا کہ ملزمان کے خلاف لگائی دفعات سیشن ٹرائل کی بنتی ہیں لہٰذا ملزمان کی ضمانت کیلئے سیشن کورٹ سے رجوع کیا جائے۔عدالت نے سلمان فاروقی سمیت دونوں ملزمان کو دو روزہ جسمانی ریمانڈ پر پولیس کے حوالے کردیا۔ پولیس جب ملزمان کو عدالت سے لے کر روانہ ہوئی تو اسی دوران وکلا اور وہاں موجود لوگوں نے ملزمان کو گھیرلیا اور مارو مارو کے نعرے لگائے۔ اس موقع پر ایک وکیل نے سلمان فاروقی کو تھپڑ جڑ دیا۔پولیس اہلکاروں نے ملزمان کی دوڑیں لگوائیں اور گاڑی میں لے کر تھانے روانہ ہوگئے۔

*سب کو باہر نکلنا ہوگا، جب دباؤ پڑھتا ہے تو یہ بات چیت کیلئے ٹیمیں بھیجتے ہیں، عمران خان*BBC PK News Islamabad Report M KHUDABUX ABBASI

عمران خان بطور پیٹرن ان چیف پارٹی کو خود لیڈ کریں گے، علیمہ خان کی اڈیالہ جیل کے باہر گفتگو*پاکستان تحریک انصاف کے بانی اور پیٹرن انچیف نے کہا ہے کہ جب ہم حقیقی آزادی کی جدوجہد شروع کرتے ہیں تو ان پر دباؤ بڑھتا ہے اور پھر یہ اپنے لوگ مذاکرات کیلیے بھیجتے ہیں۔اڈیالہ جیل کے باہر نورین خان اور عظمی خان کے ہمراہ میڈیا سے گفتگو کرتے ہوئے علیمہ خان کا کہنا تھا کہ آج میری دو بہنوں کو جیل کے اندر جانے دیا گیا مجھے باہر بٹھا دیا گیا۔ بانی نے کہا ہمارے لیے سارے دروازے بند کئے گئے ہیں۔انہوں نے کہا کہ سمبڑیال میں کھلی دھاندلی ہوئی، انصاف کے ادارے کنٹرول کرلیے گئے ہیں۔ بانی نے کہا ہے لندن پلان کے تحت نو مئی ہوا، 26ویں ترمیم ہوئی اور الیکشن میں دھاندلی کی گئی، دس ہزار پی ٹی آئی ورکرز کو جیلوں میں ڈالا گیا۔علیمہ خان کے مطابق عمران خان نے کہا کہ 8 فروری کی شام کو انقلاب آیا، نو فروری کو 17 سیٹوں والوں کو حکومت پکڑا دی گئی۔ بانی نے کہا قاضی فائز عیسی کے جاتے وقت 26ویں آئینی ترمیم کا منصوبہ بنا۔ چیف الیکشن کمشنر غیر آئینی طریقے سے ابھی تک بیٹھا ہوا ہے۔انہوں نے کہا کہ ’حقیقی جمہوریت کیلئے ظلم کے نظام کے خلاف کھڑا ہونا پڑے گا اور اب سب کو نکلنا پڑے گا، جب ان پر دباؤ بڑھتا ہے تو یہ میرے پاس ٹیمیں بھیجتے ہیں، یہ صرف کہتے ہیں نو مئی پر معافی مانگیں۔‘علیمہ خان کے مطابق بانی نے کہا ہے نو مئی کی سی سی ٹی وی فوٹیجز سامنے لائی جائیں، بانی کو بلاواسطہ کہا جارہا ہے آپ سی سی ٹی وی فوٹیجز کی بات نہ کریں۔علیمہ خان نے کہا کہ تنویر احمد ہمارے ڈونر ہیں ان کے اسٹیبلشمنٹ سے رابطے تھے انہوں نے ہی ان کی بانی سے ملاقات کرائی، جس وقت تنویر احمد کی ملاقات کرائی گئی میں اور میری بہنیں جیل میں تھیں۔بانی پی ٹی آئی کی ہمشیرہ کے مطابق تنویر احمد کے ذریعے بانی کو بتایا گیا تھا کہ نو مئی پر وہ معافی مانگیں، دوسری مرتبہ بھی وہ جیل آئے لیکن بانی نے ملاقات کرانے سے منع کیا تھا تاہم وہ دوسری دفعہ ریکویسسٹ کرکے ملے تھے۔علیمہ خان کے مطابق بانی نے کہا ہے کہ میں بطور پیٹرن ان چیف اب پارٹی کو خود لیڈ کروں گا۔

انجنیئر جئدیو مھیشوری ایگزیکٹو بیورو چیف ڈیلی بی بی سی پاکستان نیوز آئندہ بجٹ میں نان فائلرز کے 50 ہزار سے زائد کیش نکلوانے پر ٹیکس بڑھانے کی تجویز۔تفصیلات : BBC PK News Islamabad Report

اسلام آباد: آئندہ مالی سال کے بجٹ میں نان فائلرز پر ٹیکس بڑھانے کی تجویز ہے۔ایف بی آر ذرائع کے مطابق آئندہ مالی سال کے بجٹ کے لیے مختلف ٹیکس تجاویز پر کام جاری ہے، بجٹ میں نان فائلرز کے یومیہ 50 ہزار سے زیادہ رقم نکلوانے پر اضافی ٹیکس کی تجویز ہے جب کہ نان فائلرز کے لیے ودہولڈنگ ٹیکس کی شرح 0.6 فیصد سے بڑھ کر1.2 فیصد متوقع ہے۔ ایف بی آر ذرائع کا کہنا ہے کہ بجٹ میں 850 سی سی سے چھوٹی گاڑیوں پر سیلز ٹیکس میں اضافہ متوقع ہے، مقامی تیار کردہ گاڑیوں پر جی ایس ٹی کی شرح 12.5 فیصد سے بڑھا کر 18 فیصد کرنے کی تجویز ہے جب کہ پیٹرول اور ڈیزل پر چلنے والی گاڑیوں پر لیوی عائد کرنے کی تجویز بھی ہے۔ ایف بی آر ذرائع کے مطابق بجٹ میں بینک ڈیپازٹس، بچت اسکیموں،کیپیٹل گین اور منافع پر بھی ٹیکس میں اضافے کی تجویز ہے جب کہ سپر ٹیکس کی شرح میں کمی کی تجویز زیر غور ہے۔