*Iran mocks Israel with a picture of the Spanish Prime Minister on a missile*

ایرانی فوج نے میزائل پر ہسپانوی وزیراعظم پیڈروسانچیز کی تصویر لگا کر شکریے کے ساتھ اسرائیل پرداغ دیا۔

ہسپانوی اخبار کے مطابق اسرائیل پر میزائل حملے سے قبل ایرانی فوج نے میزائل پر اسپین کے وزیراعظم کی تصویر لگائی اور اس کے سامنے شکریہ وزیراعظم کے ساتھ ان کا بیان بھی لکھ دیا، جس میں پیڈروسانچیز نے ایران کے خلاف جنگ سے متعلق کہا تھا کہ 'یہ جنگ نہ صرف غیر قانونی ہے بلکہ غیر انسانی بھی ہے'۔

خیال رہے کہ امریکا اور اسرائیل کی جانب سے ایران کے خلاف مشترکہ کارروائی کے آغاز کے بعد سے اسپین نے فوجی کارروائی پر سخت تنقید کی ہے اپنے فوجی اڈوں کو بھی خطے میں حملوں کے لیے استعمال کرنے سے روک دیا ہے۔

*Malaysian Prime Minister welcomes Pakistan's timely and constructive offer for US-Iran talks*

ملائیشین وزیراعظم انور ابراہیم نے پاکستان کی امریکا ایران مذاکرات کی بروقت اور تعمیری پیشکش کا خیرمقدم کیا ہے۔

سوشل میڈیا پر جاری بیان میں انور ابراہیم کا کہنا تھا کہ پاکستان کی امریکا ایران مذاکرات کی بروقت اور تعمیری پیشکش کا خیرمقدم کرتے ہیں، یہ اقدام خطے میں بڑھتی ہوئی کشیدگی کے دوران نہایت اہم ہے، عمان اور دیگر ممالک کی سابقہ سفارتی کوششیں بھی قابلِ تحسین ہیں۔

*Petrol Pump Association threatens to close stations across the country*

آل پاکستان پیٹرول پمپ اونرز ایسوسی ایشن نے خدشات دور نہ ہونے کی صورت میں ملک بھر کے ہزاروں پیٹرول پمپس بند کرنے کی دھمکی دیدی۔

آل پاکستان پیٹرول پمپ اونرز ایسوسی ایشن کی جانب سے جاری اعلامیے میں کہا گیا ہے ایسوسی ایشن نے وزیر پیٹرولیم علی پرویز ملک سے فوری ملاقات کیلئے مراسلہ بھیج دیا ہے، 6 مارچ کو بھی مراسلہ بھیجا گیا تھا لیکن کوئی جواب موصول نہیں ہوا۔

مراسلے میں کہا گیا ہے کہ پیٹرولیم سیکٹر کو آپریشنز، مالی مشکلات، قیمتوں اور اچانک پالیسی تبدیلیوں کا سامنا ہے، حکومت پالیسی سازی میں صنعت کے اسٹیک ہولڈرز کو شامل کرے، ملک بھر کے 14 سے15 ہزار پیٹرول پمپ مالکان کو درپیش مسائل فوری توجہ کے متقاضی ہیں۔

ایسوسی ایشن کے مراسلے میں کہا گیا ہے کہ مطالبات نہ مانے گئے تو ملک بھر میں پیٹرول پمپس بند کرنے پر مجبور ہوں گے، پیٹرول پمپ بندش کی صورت میں پاکستان میں شدید فیول بحران کا خدشہ ہے، ممکنہ بحران کی ذمہ داری وزارتِ پیٹرولیم پر عائد ہوگی۔

*Bilawal meets Prime Minister, takes him into confidence on the tense situation in the region*

خطے کی کشیدہ صورتحال اور قومی سلامتی کے معاملات پر وزیراعظم شہباز شریف اور چیئرمین پیپلزپارٹی بلاول بھٹو زرداری کے درمیان اہم ملاقات ہوئی۔

ذرائع کے مطابق ملاقات میں خطے کی کشیدہ صورتحال کے پیش نظر کیے گئے اقدامات پر بات چیت کی گئی اور وزیراعظم نے ایران امریکا جنگ میں پاکستان کے سفارتی کردار پر بلاول بھٹو زرداری کو اعتماد میں لیا۔

ذرائع کا کہنا ہے کہ ملاقات میں وزیراعلیٰ سندھ مراد علی شاہ، وزیراعلیٰ بلوچستان سرفراز بگٹی بھی شریک تھے، دونوں وزرائے اعلیٰ نے وزیراعظم کو صوبوں میں اسمارٹ لاک ڈاؤن سے متعلق حکمت عملی پر بریفنگ دی۔

ذرائع کا بتانا ہے کہ ملاقات میں ملکی سیاسی صورتحال پر بھی تبادلہ خیال کیا گیا، ملاقات میں وزیراعظم کے ہمراہ حکومتی وزراء بھی شریک تھے۔

demand leniency from both countries

پاکستانی علماء افغانستان کے ساتھ جنگ بندی میں توسیع کیلئے سامنے آگئے، دونوں ملکوں سے نرمی کا مطالبہ

پاکستان کے تمام مکاتب فکر کے ممتاز علماء کرام نے پاک افغان جنگ بندی میں توسیع کا مطالبہ کرتے ہوئے زور دیا ہے کہ دونوں برادر اسلامی ممالک کے مابین موجود حل طلب معاملات کو سنجیدگی، بردباری اور باہمی اعتماد کے ساتھ مذاکرات اور مشترکہ کوششوں کے ذریعے حل کیا جائے۔

اس حوالے سے ملک کے جید علماء کرام مولانا مفتی محمد تقی عثمانی، مولانا مفتی منیب الرحمن، مولانا انوار الحق، مولانا محمد حنیف جالندھری، مولانا عبدالمالک اور مولانا یاسین ظفر سمیت دیگر اکابرین نے اپنے مشترکہ بیان میں کہا ہے کہ پاکستان اور افغانستان کے مابین تعلقات محض ہمسائیگی تک محدود نہیں بلکہ یہ دینی، تاریخی اور ثقافتی رشتوں میں جڑے ہوئے ہیں، اس لیے باہمی معاملات کو جنگ کے بجائے بات چیت کے ذریعے حل کیا جانا چاہیے۔

علماء کرام نے کہا کہ ایسے وقت میں جب پاکستان عالمی سطح پر مختلف تنازعات کے حل میں مثبت اور کلیدی کردار ادا کر رہا ہے، ضروری ہے کہ اپنے معاملات کو بھی ترجیحی بنیادوں پر مذاکرات کے ذریعے حل کیا جائے۔

انہوں نے افغان حکومت سے بھی مطالبہ کیا کہ وہ اپنی سرزمین پاکستان کے خلاف استعمال نہ ہونے دے اور پاکستان میں دہشت گردی کے مرتکب عناصر کو کنٹرول کرے۔

مزید کہا گیا کہ سعودی عرب، چین اور دیگر دوست ممالک کی جانب سے پاکستان اور افغانستان کے مابین امن و استحکام کے لیے کی جانے والی کوششیں قابلِ تحسین ہیں۔ ان کوششوں کی قدر کرتے ہوئے دونوں ممالک کو چاہیے کہ وہ حسنِ نیت کے ساتھ اپنے اختلافات ختم کریں۔

علماء کرام نے اس بات پر زور دیا کہ جنگ بندی میں توسیع خطے کے امن کے لیے ناگزیر ہے۔

Sukkur: A young girl was shot dead in the name of honor in the limits of the New Pind micro police post.According to the police, the victim has been identified as Ansa Malik, who is said to be about 18 to 19 years old. According to initial reports, the girl was shot dead by her cousin Amanullah Malik allegedly on charges of corruption and fled the scene.The incident was reported to the police by the victim’s father Ali Sher Malik, after which the police immediately reached the spot and took the body into custody and shifted it to the Civil Hospital Sukkur for postmortem.Police say that the girl was targeted with a TT pistol while raids are being conducted to arrest the accused. The process of registering a case of the incident is underway and investigation has been started from various angles.

*سکھر میں غیرت کے نام پر نوجوان لڑکی قتل.*

سکھر: مائیکرو پولیس چوکی نیو پنڈ کی حدود میں غیرت کے نام پر فائرنگ کر کے ایک نوجوان لڑکی کو قتل کر دیا گیا۔

پولیس کے مطابق مقتولہ کی شناخت انساء ملک کے نام سے ہوئی ہے، جس کی عمر تقریباً 18 سے 19 سال بتائی جا رہی ہے۔ ابتدائی اطلاعات کے مطابق لڑکی کو اس کے کزن امان اللہ ملک نے مبینہ طور پر کاروکاری کے الزام میں گولی مار کر قتل کیا اور موقع سے فرار ہو گیا۔

واقعے کی اطلاع مقتولہ کے والد علی شیر ملک نے پولیس کو دی، جس کے بعد پولیس فوری طور پر جائے وقوعہ پر پہنچی اور لاش کو تحویل میں لے کر پوسٹ مارٹم کے لیے سول اسپتال سکھر منتقل کر دیا گیا۔

پولیس کا کہنا ہے کہ لڑکی کو ٹی ٹی پستول سے نشانہ بنایا گیا جبکہ ملزم کی گرفتاری کے لیے چھاپے مارے جا رہے ہیں۔ واقعے کا مقدمہ درج کرنے کا عمل جاری ہے اور مختلف پہلوؤں سے تفتیش شروع کر دی گئی ہے۔

village Bhuoniyon of Tehsil Chhachhro, a youth from Dars community injured, Dars community demands legal action from SSP Tharparkar.Details: According to sources, youths from Nohri community riding motorcycles suddenly attacked people from Dars community in village Bhuoniyon, a suburb of Chhachhro. A youth from Dars community was injured in the attack and a shop was vandalized and damaged, however, the reasons for the attack could not be known. Dars community demands legal action from SSP Tharparkar.

تھرپارکر/چھاچھرو: تحصیل چھاچھرو کے گاؤں بھونیوں میں نوھڑی برادری اور درس برادری میں تصادم ، درس برادری کا ایک نوجوان زخمی ، درس برادری کا ایس ایس پی تھرپارکر سے قانونی کارروائی کا مطالبہ ۔

تفصیلات: 

ذرائع کے مطابق چھاچھرو کے نواحی گاؤں بھونیوں میں نوھڑی برادری کے موٹر سائیکلوں پر سوار نوجوانوں نے درس برادری کے لوگوں پر اچانک حملہ کردیا ، حملے میں درس برادری کا ایک نوجوان زخمی اور دکان پر توڑ پھوڑ کرکے نقصان کیا گیا ، تاہم حملے کی وجوہات معلوم ہو نہ سکی۔درس برادری کا ایس ایس پی تھرپارکر سے قانونی کارروائی کرنے کا مطالبہ۔